पश्चिमाञ्चल क्षेत्रीय अस्पतालमा सफल मिर्गौला प्रत्यारोपण
न्युजभित्तो/९ चैत्र २०८०, शुक्रबार १२:२२
कास्की, ९ चैत । पोखराको पश्चिमाञ्चल क्षेत्रीय अस्पतालमा सफल मिर्गौला प्रत्यारोपण गरिएको छ । अस्पतालको आफ्नै जनशक्तिबाट पहिलो पटक तनहुँको व्यास नगरपालिका–१० की ३५ वर्षीया सम्झना गुरुङको सफल मिर्गौला प्रत्यारोपण गरिएको हो ।
गुरुङलाई लमजुङ सुन्दरबजार नगरपालिका बस्ने बहिनी सुमिना गुरुङले मिर्गौला दान गर्नुभएको थियो । पोखरा स्वास्थ्य विज्ञान प्रतिष्ठानअन्तर्गत रहेको उक्त अस्पतालमा प्रत्यारोपण सेवा सुरु भएको २० महिनापछि आत्मनिर्भर बनेको अस्पतालका सूचना अधिकारी सुमन भट्टराईले जानकारी दिनुभयो । यसअघि विसं २०७९ असारमा पहिलोपटक सहिद धर्मभक्त राष्ट्रिय प्रत्यारोपण केन्द्रका चिकित्सक तथा स्वास्थ्यकर्मीको टोलीले प्रत्यारोपण गरेको थियो ।
पोखरामा प्रत्यारोपणका लागि केन्द्रले सहयोग गर्दै आएकामा पछिल्लो पटक अस्पतालको चिकित्सकको टोलीले सो कार्य गर्न सफल भएका भट्टराईले बताउनुभयो । बिहीबार अस्पतालका युरो सर्जनद्वय डा प्रकाश क्षेत्री र डा अनुप चापागाईं, नेफ्रोलोष्टि डा जुजुराम श्रेष्ठ र डा अमृत केसी, जनरल सर्जन डा डेभिड श्रेष्ठ, एनेस्थेसिया विभागका चिकित्सक र नर्सिङका स्वास्थ्यकर्मीसहितको टोलीले बिहानदेखि साँझसम्म लगाएर सफलतापूर्वक प्रत्यारोपण गरेका सूचना अधिकारी भट्टराईले जानकारी दिनुभयो ।
मिर्गौला प्रत्यारोपणपछि दाता र ग्रहणकर्ता केही दिन अस्पतालमा नै बस्नुपर्ने भन्दै केही समय दुवैको नियमित स्वास्थ्य परीक्षण गर्नुपर्ने प्रतिष्ठानका निर्देशक प्रा डा भरतबहादुर खत्रीले बताउनुभयो । यसअघि अस्पतालमा आठ वटा प्रत्यारोपण भइसकेका बताउँदै बिहीबार नवौँ प्रत्यारोपण आफ्नै जनशक्तिबाट गरिएको उहाँले जानकारी दिनुभयो ।
लामो समयको तालिम र अनुभवपछि यहाँकै जनशक्ति प्रत्यारोपण गर्न सफल भएपछि निर्देशक डा खत्रीले खुसी व्यक्त गर्नुभयो । उहाँले भन्नुभयो, “हामी सुरुआतदेखि नै यहीँको जनशक्तिलाई सक्षम बनाउने गरी लागेको थियौँ । विगतमा काठमाडौँ र पोखराका चिकित्सकबाट संयुक्तरुपमा प्रत्यारोपणमा सहयोग हुँदै आएको थियो । करिब २० महिनापछि हामी आफैँ प्रत्यारोपण गर्न सफल भएका छौँ ।” अस्पतालकै जनशक्तिबाट सो कार्य सम्भव भएपछि प्रत्यारोपणका लागि पालो पर्खनुपर्ने अवस्था कम हुँदै जाने उहाँको भनाइ छ ।
मानव अङ्ग प्रत्यारोपण केन्द्रका चिकित्सकको प्रत्यक्ष निगरानी, अनुभव तथा तालिम दिएको अस्पताका सूचना अधिकारी भट्टराईले बताउनुभयो । उहाँका अनुसार यहाँ मिर्गौला प्रत्यारोपण गर्दा बिरामीले रू चार लाखसम्म सहुलियत पाउने गरेका छन् ।
‘विपन्न नागरिकको औषधि उपचार कार्यक्रम’अन्तर्गत अस्पताल सूचीकृत भएसँगै यहाँ प्रत्यारोपण गर्नेले उक्त सहयोग प्राप्त गर्ने अस्पताल प्रशासनले जनाएको छ । पछिल्लो समय पश्चिमाञ्चल क्षेत्रीय अस्पतालमा डायलासिसका बिरामीको चाप ठूलो हुँदै आएको छ । यहाँ १८ वटा मेसिनबाट दैनिक तीन सिफ्टमा डायलासिस सेवा प्रदान गरिँदै आइएको सूचना अधिकारी भट्टराईले जानकारी दिनुभयो । रासस
कास्की, ९ चैत । पोखराको पश्चिमाञ्चल क्षेत्रीय अस्पतालमा सफल मिर्गौला प्रत्यारोपण गरिएको छ । अस्पतालको आफ्नै जनशक्तिबाट पहिलो पटक तनहुँको व्यास नगरपालिका–१० की ३५ वर्षीया सम्झना गुरुङको सफल मिर्गौला प्रत्यारोपण गरिएको हो ।
गुरुङलाई लमजुङ सुन्दरबजार नगरपालिका बस्ने बहिनी सुमिना गुरुङले मिर्गौला दान गर्नुभएको थियो । पोखरा स्वास्थ्य विज्ञान प्रतिष्ठानअन्तर्गत रहेको उक्त अस्पतालमा प्रत्यारोपण सेवा सुरु भएको २० महिनापछि आत्मनिर्भर बनेको अस्पतालका सूचना अधिकारी सुमन भट्टराईले जानकारी दिनुभयो । यसअघि विसं २०७९ असारमा पहिलोपटक सहिद धर्मभक्त राष्ट्रिय प्रत्यारोपण केन्द्रका चिकित्सक तथा स्वास्थ्यकर्मीको टोलीले प्रत्यारोपण गरेको थियो ।
पोखरामा प्रत्यारोपणका लागि केन्द्रले सहयोग गर्दै आएकामा पछिल्लो पटक अस्पतालको चिकित्सकको टोलीले सो कार्य गर्न सफल भएका भट्टराईले बताउनुभयो । बिहीबार अस्पतालका युरो सर्जनद्वय डा प्रकाश क्षेत्री र डा अनुप चापागाईं, नेफ्रोलोष्टि डा जुजुराम श्रेष्ठ र डा अमृत केसी, जनरल सर्जन डा डेभिड श्रेष्ठ, एनेस्थेसिया विभागका चिकित्सक र नर्सिङका स्वास्थ्यकर्मीसहितको टोलीले बिहानदेखि साँझसम्म लगाएर सफलतापूर्वक प्रत्यारोपण गरेका सूचना अधिकारी भट्टराईले जानकारी दिनुभयो ।
मिर्गौला प्रत्यारोपणपछि दाता र ग्रहणकर्ता केही दिन अस्पतालमा नै बस्नुपर्ने भन्दै केही समय दुवैको नियमित स्वास्थ्य परीक्षण गर्नुपर्ने प्रतिष्ठानका निर्देशक प्रा डा भरतबहादुर खत्रीले बताउनुभयो । यसअघि अस्पतालमा आठ वटा प्रत्यारोपण भइसकेका बताउँदै बिहीबार नवौँ प्रत्यारोपण आफ्नै जनशक्तिबाट गरिएको उहाँले जानकारी दिनुभयो ।
लामो समयको तालिम र अनुभवपछि यहाँकै जनशक्ति प्रत्यारोपण गर्न सफल भएपछि निर्देशक डा खत्रीले खुसी व्यक्त गर्नुभयो । उहाँले भन्नुभयो, “हामी सुरुआतदेखि नै यहीँको जनशक्तिलाई सक्षम बनाउने गरी लागेको थियौँ । विगतमा काठमाडौँ र पोखराका चिकित्सकबाट संयुक्तरुपमा प्रत्यारोपणमा सहयोग हुँदै आएको थियो । करिब २० महिनापछि हामी आफैँ प्रत्यारोपण गर्न सफल भएका छौँ ।” अस्पतालकै जनशक्तिबाट सो कार्य सम्भव भएपछि प्रत्यारोपणका लागि पालो पर्खनुपर्ने अवस्था कम हुँदै जाने उहाँको भनाइ छ ।
मानव अङ्ग प्रत्यारोपण केन्द्रका चिकित्सकको प्रत्यक्ष निगरानी, अनुभव तथा तालिम दिएको अस्पताका सूचना अधिकारी भट्टराईले बताउनुभयो । उहाँका अनुसार यहाँ मिर्गौला प्रत्यारोपण गर्दा बिरामीले रू चार लाखसम्म सहुलियत पाउने गरेका छन् ।
‘विपन्न नागरिकको औषधि उपचार कार्यक्रम’अन्तर्गत अस्पताल सूचीकृत भएसँगै यहाँ प्रत्यारोपण गर्नेले उक्त सहयोग प्राप्त गर्ने अस्पताल प्रशासनले जनाएको छ । पछिल्लो समय पश्चिमाञ्चल क्षेत्रीय अस्पतालमा डायलासिसका बिरामीको चाप ठूलो हुँदै आएको छ । यहाँ १८ वटा मेसिनबाट दैनिक तीन सिफ्टमा डायलासिस सेवा प्रदान गरिँदै आइएको सूचना अधिकारी भट्टराईले जानकारी दिनुभयो । रासस