गठबन्धन खरानीको डल्ला हो, भिज्यो भने पनि फुट्छ सुक्यो भने पनि फुट्छ : अध्यक्ष ओली

विराटनगर, १६ फागुन । नेकपा एमालेका अध्यक्ष केपी शर्मा ओलीले सरकार फेर्ने बदल्ने खेलमा एमाले नरहेको बताएका छन् । विराटनगर विमानस्थलमा पत्रकारसङ कुरा गर्दै अध्यक्ष ओलीले सरकार फेर्ने बदल्ने खेलमा एमाले नरहेको बताएका हुन् ।

उनले एमाले मिसन ८४ मा लागेको भन्दै सरकारको विषय प्राथमिकतामा नरहेको बताए । उनले अहिलेको गठबन्धन खरानीको डल्लो भएको बताए । उनले भने ‘खरानीको डल्लो सुक्यो भने पनि फुट्छ । भिज्यो भने पनि फुट्छ । यसको कुनै अर्थ छैन ।’

उनले कांग्रेस महासमिति बैठकबाट संविधान संशोधनको ब्याक फायर गरेको बताए । संविधान के का लागि रु किन र के संशोधन गर्ने स्पष्ट हुनुपर्ने अध्यक्ष ओलीले बताए ।