कास्कीमा भीरबाट लडेर एक विदेशी नागरिकको मृत्यु

पोखरा, १३ फागुन । कास्कीमा भीरबाट लडेर एक विदेशी नागरिकको मृत्यु भएको छ । कास्कीको माछापुच्छ्रे गाउँपालिका वडा नम्बर १ को मिर्सा भीरबाट लडेर अन्दाजी २० वर्षीया जर्मन नागरिक पिया जोसको मृत्यु भएको जिल्ला प्रहरी कार्यालय कास्कीले जनाएको छ ।

उनी शनिबार साझ भिरबाट लडेकी थिइन् । सशस्त्र प्रहरी बलको टोलीले आइतबार बिहान उनलाई भीरबाट निकालेको थियो । उपचारका लागि अस्पताल पुर्‍याउदा चिकित्सकले मृत घोषण गरेको जिल्ला प्रहरी कार्यालय कास्कीका प्रहरी निरीक्षक सूर्य रानाले जानकारी दिए ।

मृतकसँगै घुम्न गएका एक अमेरिकन नागरिक पनि अहिले गण्डकी अस्पतालमै रहेको र उनीसँग सोधपुक्ष भइरहेको प्रहरी निरीक्षक रानाले बताए ।