नवलपुरमा श्रीमानले गरे गर्भवती श्रीमतीको हत्या

नवलपुर, ७ माघ । नवलपुरमा एक व्यक्तिले गर्भवती श्रीमतीको हत्या गरेका छन् । नवलपुरको हुप्सेकोटका हुप्सेकोट गाउँपालिका ६ बिरुखर्कका ३३ वर्षका शेरबहादुर लम्कामगरले ३४ वर्षीया गर्भवती श्रीमती चनिसरा लम्कामगरको हत्या गरेका हुन् ।

आज बिहान एक बजे शेरबहादुरले घरमै सुतिरहेकी श्रीमती कोदालो र खुर्पा प्रहार गरेर हत्या गरेको जिल्ला प्रहरी कार्यालय नवलपुरले जानकारी दिएको हो ।
.
श्रीमतीको हत्या गर्ने शेर बहादुरलाई प्रहरीले घरबाटै नियन्त्रणमा लिएको थियो । हत्याको कारण खुलेको छैन ।