क्रिकेट रंगशाला निर्माण : पछि हट्यो फाउण्डेशन, स्वामित्व लिन महानगरलाई अनुरोध
न्युजभित्तो/५ पुष २०७८, सोमबार १३:५७
चितवन, ५ पुस । तामझामका साथ निर्माण शुरु गरिएको गौतमबुद्ध अन्तर्राष्ट्रिय क्रिकेट रंगशाला निर्माणको कामबाट धुर्मुस सुन्तली फाउण्डेशनले हात उठाएको छ । उसले काम गर्न नसकेपछि भरतपुर महानगरपालिकालाई स्वामित्व लिनका लागि अनुरोध गरेको हो ।
ठूलो धनराशीको रंगशाला निर्माणको जिम्मा लिएको सीताराम कट्टेल (धुर्मुस) र कुन्जना घिमिरे (सुन्तली) नेतृत्वको फाउण्डेशनले आर्थिक स्रोत जुटाउन कठिन भएपछि कामबाट बाहिरिने बाटो खोजेको हो । फाउण्डेशनले कोभिडलाई देखाएर कामबाट फन्छिने उपाय अपनाएको छ ।
बि.सं. २०७५ माघ १६ गते काठमाण्डौंमा तत्कालिन प्रधानमन्त्री, पूर्व प्रधानमन्त्रीहरु, राजनीतिक दलका नेताको उपस्थितिमा तामझामका साथ भरतपुर महानगरसँग फाउण्डेशनले विशेष सम्झौता गरेको थियो । उक्त सम्झौतामा विशेष परिस्थिति उत्पन्न भएमा निर्माणकै क्रममा स्वामित्व हस्तान्तरण गर्न सक्ने उल्लेख छ । सामान्य अवस्थामा निर्माण सम्पन्न गरी महानगरपालिकालाई स्वामित्व हस्तान्तरण गर्ने जनाईएको छ ।
सोही आधारलाई टेक्दै फाउण्डेशनले महानगरलाई स्वामित्व लिई दिन अनुरोध गरेको छ । फाउण्डेशनले यही पुस २ गते महानगरलाई औपचारिक पत्राचार गरी आर्थिक संकलन हुन नसकेपछि महानगरपालिकासँग सम्झौतामा उल्लेख भए अनुसार स्वामित्व लिन अनुरोध गरेको हो । फाउण्डेशनले संस्थागत निर्णय गरी कोभिड १९ को प्रकोपका कारण आर्थिक स्रोत जुटाउनका लागि जटिल र विषम परिस्थिति उत्पन्न भई निर्माण कार्य विगत पाँच महिनादेखि रोकिएकाले सहमति पत्रमा उल्लेख भए अनुसार स्वामित्व लिन अनुरोध गरेको छ । पत्रमा भनिएको छ “फाउण्डेशन र भरतपुर महानगरपालिकाबीच भएको सहमतिपत्रको बुँदा नं. ८ मा उल्लेख भए अनुसार विश्वव्यापी महामारी कोभिड १९ का कारण विशेष परिस्थिति उत्पन्न भई आर्थिक स्रोत अभाव भएकाले तोकिएको समयमा रंगशाला निर्माण कार्य कठिनाई भएको छ ।”
महानगरपालिका प्रमुख रेनु दाहालले फाउण्डेशनले कोभिड १९ का कारण निर्माण सम्पन्न गर्न कठिन भएको भन्दै स्वामित्व हस्तान्तरणका लागि अनुरोध गरेको बताउनुभयो । यस लगत्तै महानगरपालिकाको कार्यपालिका बैठकबाट निर्णय गरी आवश्यक प्रक्रिया अघि बढाईएको बताउनुभयो । यस सम्बन्धमा युवा तथा खेलकुद मन्त्री महेश्वर जंग गहतराजसँग परामर्श गरी काम अघि बढाईएको दाहालले बताउनुभयो । महानगरले फाउण्डेशनलाई काम अघि बढाउन वा सम्झौता अनुसार स्वामित्व हस्तान्तरण गर्न भनेपछि फाउण्डेशन पछि हटेको हो ।
उहाँका अनुसार फाउण्डेशनले महानगरमा पेश गरेको विवरण सरकारी तवरबाट जाँचबुझ गरी मन्त्रालयमार्फत् मन्त्रीपरिषद्मा पठाएर तिर्नुपर्ने भुक्तानी तिर्नका लागि प्रक्रिया अघि बढाईदै छ । बाँकी कामका लागि बहुवर्षिय योजना अन्तर्गत बोलपत्र आव्हान गरी काम अघि बढाउन महानगरले संघीय सरकारलाई अनुरोध गरेको दाहालले जानकारी दिनुभयो । उहाँले भन्नुभयो “मन्त्रीपरिषद्ले जे निर्णय गर्छ सोही अनुसार काम गर्न हामी तयार छौं ।” भरतपुर महानगरपालिकाको महत्वपूर्ण आयोजना भएकाले यसलाई निरन्तरता दिएर सम्पन्न गर्न आफू लागि परेको दाहालको भनाई छ ।
महानगरपालिकाले नै त्रिभुवन र कृषि तथा वन विज्ञान विश्वविद्यालयसँग समन्वय गरेर सो जग्गा रंगशालाका लागि उपलब्ध गराएको हो । फाउण्डेशनले नेतृत्व गरेको भए पनि अधिकांश आर्थिक सहयोग जुटाउन महानगरपालिकाको प्रत्यक्ष भूमिका रहेको छ । उहाँले थप्नुभयो “रंगशाला सम्पन्न हुन्छ ।”
फाउण्डेशनले रु.१७ करोडभन्दा बढी ऋण तिर्न बाँकी रहेको महानगरलाई अनुरोध गरेको पत्रमा उल्लेख छ । महानगरका प्रमुख प्रशासकीय अधिकृत रामवन्धु सुवेदीले कार्यपालिकाको बैठकले निर्णय गरी फाउण्डेशनले पेश गरेको विवरणको आर्थिक र प्राविधिक पक्षको अध्ययनका लागि सघन सहरी तथा भवन निर्माण आयोजना भरतपुरमा पठाएको छ । यसैगरी नेपाल चार्टर एकाउन्टेन्ट संस्थामा आर्थिक अध्ययनका लागि पठाईदै छ । दुवै निकायबाट जाँचबुझपछि खेलकुद मन्त्रालय हुँदै मन्त्रीपरिषद् बैठकमा पठाउने तयारी गरिएको हो । सुवेदीले नेपाल सरकारको नीति नियम अनुसार आवश्यक प्रक्रिया पु¥याएर रंगशाला निर्माणको कामलाई पूर्णता दिने बताउनुभयो ।
आर्थिक अभावका कारण विगत पाँच महिनादेखि रंगशाला निर्माणको काम हुन सकेको छैन । उधारो आर्थिक व्ययभार बढ्दै गएको र आर्थिक संकलन हुन नसकेको भन्दै काम रोकिएको हो । फाउण्डेशनका अध्यक्ष सितारामकट्टेलले चरम आर्थिक संकटबाट गुज्रिएपछि काम रोक्नु परेको बताउँदै आउनु भएको थियो । उहाँले जनस्तरबाट रकम उठ्ने सम्भावना पनि नभएको र सरकारले नदिएका कारण आर्थिक संकट आएको बताउनुभयो ।
रंगशालाको भौतिक पूर्वाधारको ३५ प्रतिशत काम सकिएको फाउण्डेशनले दावी गरेको छ । रंगशालामा अहिलेसम्म रु. ५४ करोड ६२ लाख २१ हजार खर्च भैसकेको यस अघि नै फाउण्डेशनले दावी गरेको थियो । रंगशाला सम्पन्न गर्न रु.३ अर्ब हाराहारी खर्च हुने अनुमान गरिएको छ ।
चितवन, ५ पुस । तामझामका साथ निर्माण शुरु गरिएको गौतमबुद्ध अन्तर्राष्ट्रिय क्रिकेट रंगशाला निर्माणको कामबाट धुर्मुस सुन्तली फाउण्डेशनले हात उठाएको छ । उसले काम गर्न नसकेपछि भरतपुर महानगरपालिकालाई स्वामित्व लिनका लागि अनुरोध गरेको हो ।
ठूलो धनराशीको रंगशाला निर्माणको जिम्मा लिएको सीताराम कट्टेल (धुर्मुस) र कुन्जना घिमिरे (सुन्तली) नेतृत्वको फाउण्डेशनले आर्थिक स्रोत जुटाउन कठिन भएपछि कामबाट बाहिरिने बाटो खोजेको हो । फाउण्डेशनले कोभिडलाई देखाएर कामबाट फन्छिने उपाय अपनाएको छ ।
बि.सं. २०७५ माघ १६ गते काठमाण्डौंमा तत्कालिन प्रधानमन्त्री, पूर्व प्रधानमन्त्रीहरु, राजनीतिक दलका नेताको उपस्थितिमा तामझामका साथ भरतपुर महानगरसँग फाउण्डेशनले विशेष सम्झौता गरेको थियो । उक्त सम्झौतामा विशेष परिस्थिति उत्पन्न भएमा निर्माणकै क्रममा स्वामित्व हस्तान्तरण गर्न सक्ने उल्लेख छ । सामान्य अवस्थामा निर्माण सम्पन्न गरी महानगरपालिकालाई स्वामित्व हस्तान्तरण गर्ने जनाईएको छ ।
सोही आधारलाई टेक्दै फाउण्डेशनले महानगरलाई स्वामित्व लिई दिन अनुरोध गरेको छ । फाउण्डेशनले यही पुस २ गते महानगरलाई औपचारिक पत्राचार गरी आर्थिक संकलन हुन नसकेपछि महानगरपालिकासँग सम्झौतामा उल्लेख भए अनुसार स्वामित्व लिन अनुरोध गरेको हो । फाउण्डेशनले संस्थागत निर्णय गरी कोभिड १९ को प्रकोपका कारण आर्थिक स्रोत जुटाउनका लागि जटिल र विषम परिस्थिति उत्पन्न भई निर्माण कार्य विगत पाँच महिनादेखि रोकिएकाले सहमति पत्रमा उल्लेख भए अनुसार स्वामित्व लिन अनुरोध गरेको छ । पत्रमा भनिएको छ “फाउण्डेशन र भरतपुर महानगरपालिकाबीच भएको सहमतिपत्रको बुँदा नं. ८ मा उल्लेख भए अनुसार विश्वव्यापी महामारी कोभिड १९ का कारण विशेष परिस्थिति उत्पन्न भई आर्थिक स्रोत अभाव भएकाले तोकिएको समयमा रंगशाला निर्माण कार्य कठिनाई भएको छ ।”
महानगरपालिका प्रमुख रेनु दाहालले फाउण्डेशनले कोभिड १९ का कारण निर्माण सम्पन्न गर्न कठिन भएको भन्दै स्वामित्व हस्तान्तरणका लागि अनुरोध गरेको बताउनुभयो । यस लगत्तै महानगरपालिकाको कार्यपालिका बैठकबाट निर्णय गरी आवश्यक प्रक्रिया अघि बढाईएको बताउनुभयो । यस सम्बन्धमा युवा तथा खेलकुद मन्त्री महेश्वर जंग गहतराजसँग परामर्श गरी काम अघि बढाईएको दाहालले बताउनुभयो । महानगरले फाउण्डेशनलाई काम अघि बढाउन वा सम्झौता अनुसार स्वामित्व हस्तान्तरण गर्न भनेपछि फाउण्डेशन पछि हटेको हो ।
उहाँका अनुसार फाउण्डेशनले महानगरमा पेश गरेको विवरण सरकारी तवरबाट जाँचबुझ गरी मन्त्रालयमार्फत् मन्त्रीपरिषद्मा पठाएर तिर्नुपर्ने भुक्तानी तिर्नका लागि प्रक्रिया अघि बढाईदै छ । बाँकी कामका लागि बहुवर्षिय योजना अन्तर्गत बोलपत्र आव्हान गरी काम अघि बढाउन महानगरले संघीय सरकारलाई अनुरोध गरेको दाहालले जानकारी दिनुभयो । उहाँले भन्नुभयो “मन्त्रीपरिषद्ले जे निर्णय गर्छ सोही अनुसार काम गर्न हामी तयार छौं ।” भरतपुर महानगरपालिकाको महत्वपूर्ण आयोजना भएकाले यसलाई निरन्तरता दिएर सम्पन्न गर्न आफू लागि परेको दाहालको भनाई छ ।
महानगरपालिकाले नै त्रिभुवन र कृषि तथा वन विज्ञान विश्वविद्यालयसँग समन्वय गरेर सो जग्गा रंगशालाका लागि उपलब्ध गराएको हो । फाउण्डेशनले नेतृत्व गरेको भए पनि अधिकांश आर्थिक सहयोग जुटाउन महानगरपालिकाको प्रत्यक्ष भूमिका रहेको छ । उहाँले थप्नुभयो “रंगशाला सम्पन्न हुन्छ ।”
फाउण्डेशनले रु.१७ करोडभन्दा बढी ऋण तिर्न बाँकी रहेको महानगरलाई अनुरोध गरेको पत्रमा उल्लेख छ । महानगरका प्रमुख प्रशासकीय अधिकृत रामवन्धु सुवेदीले कार्यपालिकाको बैठकले निर्णय गरी फाउण्डेशनले पेश गरेको विवरणको आर्थिक र प्राविधिक पक्षको अध्ययनका लागि सघन सहरी तथा भवन निर्माण आयोजना भरतपुरमा पठाएको छ । यसैगरी नेपाल चार्टर एकाउन्टेन्ट संस्थामा आर्थिक अध्ययनका लागि पठाईदै छ । दुवै निकायबाट जाँचबुझपछि खेलकुद मन्त्रालय हुँदै मन्त्रीपरिषद् बैठकमा पठाउने तयारी गरिएको हो । सुवेदीले नेपाल सरकारको नीति नियम अनुसार आवश्यक प्रक्रिया पु¥याएर रंगशाला निर्माणको कामलाई पूर्णता दिने बताउनुभयो ।
आर्थिक अभावका कारण विगत पाँच महिनादेखि रंगशाला निर्माणको काम हुन सकेको छैन । उधारो आर्थिक व्ययभार बढ्दै गएको र आर्थिक संकलन हुन नसकेको भन्दै काम रोकिएको हो । फाउण्डेशनका अध्यक्ष सितारामकट्टेलले चरम आर्थिक संकटबाट गुज्रिएपछि काम रोक्नु परेको बताउँदै आउनु भएको थियो । उहाँले जनस्तरबाट रकम उठ्ने सम्भावना पनि नभएको र सरकारले नदिएका कारण आर्थिक संकट आएको बताउनुभयो ।
रंगशालाको भौतिक पूर्वाधारको ३५ प्रतिशत काम सकिएको फाउण्डेशनले दावी गरेको छ । रंगशालामा अहिलेसम्म रु. ५४ करोड ६२ लाख २१ हजार खर्च भैसकेको यस अघि नै फाउण्डेशनले दावी गरेको थियो । रंगशाला सम्पन्न गर्न रु.३ अर्ब हाराहारी खर्च हुने अनुमान गरिएको छ ।