एमाले महाधिवेशन : २ हजार ७२ मत खस्यो, मतदान अन्तिम चरणमा

सौराहा, १४ मंसिर । नेकपा एमालेको सौराहामा जारी दशौं महाधिवेशनमा अहिलेसम्म २ हजार ७२ मत खसेको छ । निर्वाचन आयोगका सदस्य बाबुराम दाहालका अनुसार अब मतदान अन्तिम चरणमा पुगेको छ ।

एमालेका २ हजार १ सय ७३ प्रतिनिधि मतदाता हुन् । अब केही समयपछि नै मतदान सम्पन्न हुने दाहालको भनाई छ । मङ्सिर ११ गतेदेखि सुरु भएको बन्दसत्रमा सहमतीको प्रयास गरिएपनि नभएपछि आज विहान ४ बजेबाट मतदान सुरु भएको थियो । विहान अध्यक्षका उमेद्वार केपी शर्मा ओली र अर्का उमेद्वार भीम रावलले मतदान गरेपछि सुरु भएको थियो ।

निर्वाचन आयोगका अनुसार मतदान ११ बजेसम्म चल्ने जनाइएको छ । हिजो राति ९ बजे मतदान प्रकृया अगाडि वढाउने भनेपनि उमेद्वारी फिर्ताको लागि भन्दै समय लम्व्याइएको थियो ।

अध्यक्षमा दुइ, उपाध्यक्षमा ६ पदका लागि सातजना, सचिवमा ७ पदका लागि ९ जनाले उमेद्वारी दिएका छन् । निर्वाचन आयोगका अनुसार मतदान सकिएको दुई देखि तीन घण्टापछि परिणाम आउने छ ।