नेपाली काँग्रेस चितवनको अधिवेशन मंसिर १४ गतेबाट

चितवन, १२ मंसिर । नेपाली काँग्रेस चितवनको अधिवेशन यही मंसिर १४ गतेबाट सुरु हुने भएको छ । पहिलो दिन उद्घाटन र मनोनयन हुने छ भने १८ गते निर्वाचन गर्न सिफारी गरिएको हो ।

नेपाली काँग्रेस चितवनको आज बसको बैठकले निर्वाचन समितिलाई अधिबेशनको मिति सिफारीश गरेको जिल्ला सचिब उत्तम जोशीले जानकारी दिनुभयो । उहाँका अनुसार मंसिर १५ देखि १७ गते सम्म बागमती प्रदेश समितिको निर्वाचन प्रकृया हुने भएकाले १८ गते जिल्लाको अधिबेशन गर्न लागिएको हो । यहि मंसिर ११ गते निर्वाचन गर्ने भनिएकोमा नेकपा एमालेको राष्ट्रिय महाधिबेशन भएकाले आबास र आवतजावतमा समस्या हुने भन्दै स्थगित गरिएको थियो ।

जिल्लाको आजको बैठकले अधिबेशन सम्पन्न गर्न बिभिन्न समिति समेत गठन गरेको छ । नेपाली काँग्रेसको बिधानमा जिल्ला सभापतिका लागि ५० प्रतिशत भन्दा वढि मत ल्याउनु पर्ने भएकाले दोस्रो चरणमा समेत निर्वाचन गर्नु पर्ने हुन्छ । यसका लागि कम्तिमा ३ दिन लाग्ने जनाईएको छ । सभापति पदका लागि ६ जना प्रत्यासी रहेका छन् ।