चितवनमा आज (आइतबार) देखि सवारी चालक अनुमति पत्र (लाइसेन्स) नविकरण सुरु
न्युजभित्तो/१२ मंसिर २०७८, आईतवार १०:४६
चितवन,१२ मङ्सिर । यातायात व्यवस्था सेवा कार्यालय चितवनमा आज (आइतबार) देखि सवारी चालक अनुमति पत्र (लाइसेन्स) नविकरण सुरु भएको छ । कार्यालयले आजदेखि औपचारिक रुपमा स्मार्ट लाइसेन्स नविकरण सेवा सुरु गरेको हो ।
पेपरकार्ड लाइसेन्स भएकाहरुले भने लाइसेन्स जारी भएकै कार्यालयमा उपस्थित भई सम्पूर्ण विवरण ईडीएलआरएसमा अपडेट गराउनुपर्नेछ । “स्मार्ट लाइसेन्स भएका सेवाग्राहीहरुले यहाँबाट सिधै सेवा पाउनुहुन्छ । पेपरकार्ड लाइसेन्स भएकाहरु सबैको विवरण यहाँ हुन्न । अपडेट छ भने यहीबाट हुन्छ । अपडेट छैन भने लाइसेन्स जारी भएकै कार्यालयमा गएर सबै विवरण अपडेट गर्नुपर्छ,” उनले भने ।
सुरुवाती चरणमा दैनिक एक सय वटासम्म लाइसेन्स नविकरण गरिने कार्यालय प्रमुख बिनोद पौडेलले जानकारी दिए । पौडेलका अनुसार प्रतिघण्टा १३ वटा लाइसेन्स नविकरण गर्ने गरी व्यवस्थापन गरिएको छ । नविकरणका लागि हुन सक्ने भिडभाडलाई मध्यनजर गर्दै अनलाईन टोकन प्रणाली सुरु गरिएको छ ।
कार्यालयले लाइसेन्स नविकरण लागि गत आइतबार इलोक्ट्रोनिक ड्राइभिङ लाइसेन्स रजिष्टेशन सिस्टम (ईडिएलआर) नामक सफ्टवेर जडान गरेको थियो ।
सेवाग्राहीहरुले कार्यालयको वेवसाइटबाट अनलाइन मार्फत टोकन लिएर सेवा लिन सक्नेछन् । “भिडभाडलाई मध्यनजर गर्दै हामीले टोकन प्रणाली लागु गरेका छौं । वेवसाइटमा ५२ वटा टोकन छन् । ४०-५० जना भौतिक रुपमा नै उपस्थित हुन्छन् भन्ने हाम्रो अनुमान छ, उनले भने, तर अनलाइन टोकन लिएर आउनेलाई हामी प्राथमिकता दिन्छौं ।”
आवश्यकता अनुसार सेवा बढाउदै लगिने समेत उनले बताए । पौडेलका अनुसार अहिले कार्यालयमा उपलब्ध कर्मचारीबाट नै नविकरणको काम सुरु भएको छ ।
चितवन,१२ मङ्सिर । यातायात व्यवस्था सेवा कार्यालय चितवनमा आज (आइतबार) देखि सवारी चालक अनुमति पत्र (लाइसेन्स) नविकरण सुरु भएको छ । कार्यालयले आजदेखि औपचारिक रुपमा स्मार्ट लाइसेन्स नविकरण सेवा सुरु गरेको हो ।
पेपरकार्ड लाइसेन्स भएकाहरुले भने लाइसेन्स जारी भएकै कार्यालयमा उपस्थित भई सम्पूर्ण विवरण ईडीएलआरएसमा अपडेट गराउनुपर्नेछ । “स्मार्ट लाइसेन्स भएका सेवाग्राहीहरुले यहाँबाट सिधै सेवा पाउनुहुन्छ । पेपरकार्ड लाइसेन्स भएकाहरु सबैको विवरण यहाँ हुन्न । अपडेट छ भने यहीबाट हुन्छ । अपडेट छैन भने लाइसेन्स जारी भएकै कार्यालयमा गएर सबै विवरण अपडेट गर्नुपर्छ,” उनले भने ।
सुरुवाती चरणमा दैनिक एक सय वटासम्म लाइसेन्स नविकरण गरिने कार्यालय प्रमुख बिनोद पौडेलले जानकारी दिए । पौडेलका अनुसार प्रतिघण्टा १३ वटा लाइसेन्स नविकरण गर्ने गरी व्यवस्थापन गरिएको छ । नविकरणका लागि हुन सक्ने भिडभाडलाई मध्यनजर गर्दै अनलाईन टोकन प्रणाली सुरु गरिएको छ ।
कार्यालयले लाइसेन्स नविकरण लागि गत आइतबार इलोक्ट्रोनिक ड्राइभिङ लाइसेन्स रजिष्टेशन सिस्टम (ईडिएलआर) नामक सफ्टवेर जडान गरेको थियो ।
सेवाग्राहीहरुले कार्यालयको वेवसाइटबाट अनलाइन मार्फत टोकन लिएर सेवा लिन सक्नेछन् । “भिडभाडलाई मध्यनजर गर्दै हामीले टोकन प्रणाली लागु गरेका छौं । वेवसाइटमा ५२ वटा टोकन छन् । ४०-५० जना भौतिक रुपमा नै उपस्थित हुन्छन् भन्ने हाम्रो अनुमान छ, उनले भने, तर अनलाइन टोकन लिएर आउनेलाई हामी प्राथमिकता दिन्छौं ।”
आवश्यकता अनुसार सेवा बढाउदै लगिने समेत उनले बताए । पौडेलका अनुसार अहिले कार्यालयमा उपलब्ध कर्मचारीबाट नै नविकरणको काम सुरु भएको छ ।