पूर्व शिक्षा राज्यमन्त्री अधिकारी महाधिवेशन प्रतिनिधिमा पराजित

चितवन,७ मङ्सिर । नेपाली काँग्रेसको १४ औं महाधिवेशन अन्तर्गत सोमबार महाधिवेशन प्रतिनिधिको निर्वाचन भयो । निर्वाचनको मतपरिणाम आउने क्रम जारी छ ।

मतपरिणाम आएका मध्ये केही जिल्लामा काँग्रेसका हस्तीहरु नै पराजित भएका छन् । यसै क्रममा चितवनमा पनि महाधिवेशन प्रतिनिधिको निर्वाचनमा काँग्रेसका नेता एवं पूर्व शिक्षा राज्यमन्त्री नै पराजित भएका छन् ।

महाधिवेशन प्रतिनिधिमा पराजित भएका छन् । चितवन क्षेत्र नं १ बाट खुल्ला तर्फ महाधिवेशन प्रतिनिधिको चुनावी मैदानमा उत्रिएका पूर्व शिक्षा राज्यमन्त्री शेषनाथ अधिकारी पराजित भएका छन् ।

कुल खसेको ९४२ मत मध्ये २७२ मत मात्र प्राप्त गर्दै उनी पराजित भएका हुन् । खुल्ला तर्फ महाधिवेशन प्रतिनिधि १० महाधिवेशन प्रतिनिधि लागि ३६ जना निर्वाचनमा होमिएका थिए ।