दुई पुरूषको शव फेला

चितवन ३० कात्तिक । जिल्ला प्रहरी कार्यालय चितवनले सोमबार दुई पुरूषको बेवारिसे शव फेला पारेको छ। गोन्द्राङनजिकै टिकौली जंगलमा एक पुरूषको र चितवन मेडिकल कलेजअगाडिको एक होटलको पेटीमा अर्का एक पुरूषको शव फेला परेको प्रहरीको भनाइ छ।

टिकौली जंगलमा अन्दाजी ६० वर्षका पुरूषको शव फेला परेको प्रहरीको भनाइ छ। होटलको पेटीमा भेटिएका अन्दाजी ४० वर्षका एक पुरूषको शवअगाडि पुराना प्लास्टिकका बोरा भेटिएको थियो। दुवै शवको सनाखत नभएको र अनुसन्धान भइरहेको चितवन प्रहरीले जनाएको छ।