सुन चाँदीको मूल्य बढ्यो

काठमाडौं,२६ कात्तिक । शुक्रबार सुनको मूल्य तोलामा ४०० रुपैयाँले बढेको छ । बिहीबार प्रतितोला ९४ हजार रुपैयाँमा कारोबार भएको छापावाल सनको मूल्य आज ९४ हजार ४०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको आजको मूल्य ९३ हजार ९ सय रुपैयाँ कायम भएको छ भने चाँदीको मूल्य पनि तोलामा १५ रुपैयाँले वृद्धि भएको छ ।

बिहीबार प्रतितोला १२ सय ७० रुपैयाँमा कारोबार भएको चाँदीको आजको कारोबार मूल्य १२ सय ८५ रुपैयाँ तोकिएको छ ।