सेयर बजारमा आज ३ अर्ब ६२ करोड माथिको कारोबार

चितवन,१८ असोज । साताको दोस्रो दिन आज (सोमबार) सेयरबजार सामान्य अंकले घटेको छ । नेपाल स्टक एक्सचेञ्जका अनुसार सेयर कारोबार मापक नेप्से परिसूचक ६.६८ अंकले घटेर २५७०.८१ विन्दुमा पुगेको छ । नेप्से ०.२६ प्रतिशतले घटेको हो । यस्तै, सेन्सेटिभ परिसूचक १.२८ अंकले घटेर ४८४.९८ विन्दुमा झरेको छ ।

आज २२७ कम्पनीका ७६ लाख ५३ हजार २ सय २० कित्ता शेयर किनबेच हुँदा ३ अर्ब ६२ करोड ७७ लाख ९९ हजार ९ सय ३५ रुपियाँ बराबरको मात्रै कारोबार भएको हो ।

बजार घटेको दिन आज होटल समूह १२.८, अन्य समूह २१.६१, लघुवित्त समूह ७२ र जीवन बीमा समूह ५.६२ अंकले बढेको छ भने बाँकी समूह भने राताम्मे भएका छन् । सबैभन्दा बढी विकास बैंक समूह ८६.४ अंकले घटेको हो ।