साहाराको घरलाई कामना सेवा विकास बैंकको माक्स सहयोग

चितवन, २५ साउन । कामना सेवा विकास बैंकले भरतपुरमा रहेको साहाराको घरलाई माक्स सहयोग गरेको छ । बैंकको नारायणगढ शाखाले एक हजार थान माक्स सहयोग गरेको हो ।

भरतपुर–१२ नौरंगेमा रहेको साहाराको घरमै पुगेर आज बैंकका शाखा प्रबन्धक रश्मी पन्त, सुपरभाईजर धर्ती देवकोटा र सीतादेवी पौडेलले घरकी आमा स्वस्तीका तिवारीलाई माक्स हस्तान्तरण गर्नुभयो । साहाराको घरमा हाल १८ जना बालिका रहेका छन् ।

बैंकको सामाजिक उत्तरदायित्व कार्यक्रम अन्तर्गत माक्स वितरण गरिएको शाखा प्रबन्धक पन्तले बताउनुभयो । उहाँले बैंकले वित्तीय सेवा मात्रै नभएर सामाजिक सेवाका काम पनि गर्ने बताउनुभयो । बैंकका चितवनमा रहेका शाखा कार्यालयहरुको समन्वयमा हालै जिल्लाको विकट ठाउँमा रहेका चेपाङ सामुदायलाई खाद्यान्न वितरण गरिएको थियो ।

बैंकका देशभरिमा एक सय ३० र चितवनमा मात्रै १४ वटा शाखा रहेका छन् ।