आज दिनभर जसो चितवन, गैंडाकोट र तनहुँको देवघाटमा विद्युत अवरुद्ध हुने

चितवन, साउन १४ । चितवनमा आज बिहिबार बिहान ८ बजेदेखि साँझ ६ बजेसम्म विभिन्न ठाउँमा विद्युत अबरुद्ध हुने भएको छ । हेटौँडा ग्रिड महाशाख अन्तर्गतको सबस्टेसनमा १३२, १३३ र ११९ केभी सबस्टेशनमा १३२ केभी बसबार कण्डक्टर मर्मतका लागि विद्युत अबरुद्ध गर्न लागिएको हो ।

नेपाल विद्युत प्राधिकरण हेटौंडा ग्रिड महाशाखाका अनुसार बिहान ८ बजेदेखि ११ बजेसम्मका लागि भरतपुर सबस्टेशनबाट वितरित सम्पूर्ण फिडरहरु प्रभावित हुने जनाईएको छ ।

भरतपुर, टाँडी र चनौली वितरण केन्द्र अन्तर्गतका सबै क्षेत्रमा विद्युत सेवाा अवरुद्ध हुने शाखाले जनाएको छ । यस्तै नवलपुरको गैडाकोट र तनहुँको देवघाट क्षेत्रमा पनि विद्युत अबरुद्ध हुने नेपाल विद्युत प्राधिकरण भरतपुर वितरण केन्द्रले जनाएको छ ।

यसैगरी बिहान ९ बजेदेखि ४ बजेसम्म जिल्लाका सबै लाईन अवरुद्ध हुने प्राधिकरण भरतपुर वितरण केन्द्रले जनाएको छ । केन्द्रका अनुसार नारायणगढ फिड र औद्योगिक फिडरको रामघाट एरियादेखि फूर्तिचोकसम्मको लाईन बेलुका ६ बजेसम्म नै अवरुद्ध हुने केन्द्रले जनाएको छ । समयभन्दा छिट्टै काम सम्पन्न भएमा भने तोकिएको समय अगावै विद्युत आपूर्ति हुन सक्ने जनाईएको छ ।