चितवनः देवघाटको एक व्यवसायिक बाख्रा फर्मका ५३ वटा बाख्रा अज्ञात रोगले मरेका छन् । गत फागुनदेखि हालसम्म निरन्तर रुपमा बाख्रा मरेका हुन् । पछिल्ला दिनहरुमा यो संख्या बढ्दो रहेको छ ।
देवघाट गाउँपालिका वडा नं. ५ कालिमाटीमा रहेको बुद्धिप्रसाद भट्टराईको कृषि फर्मका बाख्रा मरेका हुन् । भरतपुर महानगरपालिका वडा नं. ९ निवासी भट्टराईले गतवर्षको असोजबाट बाख्रा फर्म शुरु गर्नुभएको हो । उहाँका अनुसार माउ बाख्रा बढी संख्यामा मरेका छन् । उहाँले भन्नुभयो “पछिल्ला दिनहरुमा दैनिक एउटा बाख्रा मर्ने गरेका छन् ।” अहिले पनि सात वटा बाख्रा बिरामी भएको उहाँले जानकारी दिनुभयो ।
फर्ममा ११० वटा बाख्रा रहेका थिए । रु. ४० लाख लगानी गरेर फर्म शुरु गरेको भन्दै उहाँले भन्नुभयो “रु.२२ लाखभन्दा बढी मूल्यका बाख्रा मरिसके । अझै रोगको पहिचान हुन सकेको छैन ।” विज्ञहरुले रगत घट्ने र हेमोग्लोबिन कम हुने समस्या रहेको जनाएको उहाँले बताउनुभयो । टेलिफोनमा उहाँले भन्नुभयो “बाख्रालाई रगत दिनका लागि अनुमति लिन अहिले भेटेनरी कार्यालय भरतपुर आएको छु ।”
भेटेरिनरी अस्पताल तथा पशु सेवा विज्ञ केन्द्र, चितवनबाट बाख्राको पोष्टमार्टम गरी नमुना परीक्षणको लागि केन्द्रीय पशुरोग प्रयोगशाला त्रिपुरेश्वर काठमाडौँ पठाएको कार्यालयले जनाएको छ । बाख्राको रगत र स्वाब संकलन गरेर काठमाण्डौं पठाएको १४ दिन भएपनि अहिलेसम्म नतिजा नआएको उहाँको भनाई छ । जुन जुन बाख्राको नमूना पठाईयो, ती बाख्रा मरिसकेको उहाँले बताउनुभयो । बाख्रालाई १०८ डिग्रीसम्म ज्वारो आउने खान छाड्ने र क्रमशः शिथिल भएर मर्ने गरेका छन् ।
व्यवसायिक बाख्रा पालन गरे पनि बीमा परिपक्क भई नसकेकाले जोखिम आफैले बहन गर्नुपरेको दुखेसो उहाँले पोख्नुभयो । हालसम्म कुनै निकायबाट सहयोग नपाएको उहाँ बताउनुहुन्छ । गाउँपालिकामा सहयोग अनुरोध गरेको भए पनि पाउन नसकेको भट्टराईको भनाई छ ।
चितवनः देवघाटको एक व्यवसायिक बाख्रा फर्मका ५३ वटा बाख्रा अज्ञात रोगले मरेका छन् । गत फागुनदेखि हालसम्म निरन्तर रुपमा बाख्रा मरेका हुन् । पछिल्ला दिनहरुमा यो संख्या बढ्दो रहेको छ ।
देवघाट गाउँपालिका वडा नं. ५ कालिमाटीमा रहेको बुद्धिप्रसाद भट्टराईको कृषि फर्मका बाख्रा मरेका हुन् । भरतपुर महानगरपालिका वडा नं. ९ निवासी भट्टराईले गतवर्षको असोजबाट बाख्रा फर्म शुरु गर्नुभएको हो । उहाँका अनुसार माउ बाख्रा बढी संख्यामा मरेका छन् । उहाँले भन्नुभयो “पछिल्ला दिनहरुमा दैनिक एउटा बाख्रा मर्ने गरेका छन् ।” अहिले पनि सात वटा बाख्रा बिरामी भएको उहाँले जानकारी दिनुभयो ।
फर्ममा ११० वटा बाख्रा रहेका थिए । रु. ४० लाख लगानी गरेर फर्म शुरु गरेको भन्दै उहाँले भन्नुभयो “रु.२२ लाखभन्दा बढी मूल्यका बाख्रा मरिसके । अझै रोगको पहिचान हुन सकेको छैन ।” विज्ञहरुले रगत घट्ने र हेमोग्लोबिन कम हुने समस्या रहेको जनाएको उहाँले बताउनुभयो । टेलिफोनमा उहाँले भन्नुभयो “बाख्रालाई रगत दिनका लागि अनुमति लिन अहिले भेटेनरी कार्यालय भरतपुर आएको छु ।”
भेटेरिनरी अस्पताल तथा पशु सेवा विज्ञ केन्द्र, चितवनबाट बाख्राको पोष्टमार्टम गरी नमुना परीक्षणको लागि केन्द्रीय पशुरोग प्रयोगशाला त्रिपुरेश्वर काठमाडौँ पठाएको कार्यालयले जनाएको छ । बाख्राको रगत र स्वाब संकलन गरेर काठमाण्डौं पठाएको १४ दिन भएपनि अहिलेसम्म नतिजा नआएको उहाँको भनाई छ । जुन जुन बाख्राको नमूना पठाईयो, ती बाख्रा मरिसकेको उहाँले बताउनुभयो । बाख्रालाई १०८ डिग्रीसम्म ज्वारो आउने खान छाड्ने र क्रमशः शिथिल भएर मर्ने गरेका छन् ।
व्यवसायिक बाख्रा पालन गरे पनि बीमा परिपक्क भई नसकेकाले जोखिम आफैले बहन गर्नुपरेको दुखेसो उहाँले पोख्नुभयो । हालसम्म कुनै निकायबाट सहयोग नपाएको उहाँ बताउनुहुन्छ । गाउँपालिकामा सहयोग अनुरोध गरेको भए पनि पाउन नसकेको भट्टराईको भनाई छ ।