सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

चट्याङबाट बच्न उच्च सतर्कता आवश्यक : विज्ञ


  •    /५ बैशाख २०७६, बिहीबार १२:२२ 
  • चैत १५ देखि असार मसान्तसम्म नेपालमा चट्याङ्को जोखिम बढी

    चितवन
    उच्च सतर्कता अपनाउन सके चट्याङबाट बच्न सकिने विज्ञहरुले सुझाएका छन् । अहिलेको मौसम चट्याङ्का दृष्टिले निकै जोखिमपूर्ण रहेको भन्दै उच्च सतर्कता अपनाउन बिज्ञहरुले सुझाव दिएका हुन् ।
    स्याण्डविच कार्यक्रम अन्तर्गत श्रीलङ्का र स्विडेनबाट चट्याङ्मा बिद्यावारीधि गरेका डाक्टर श्रीराम शर्माका अनुसार वि. सं. २०६८ देखि २०७४ सम्म गरिएको अध्ययनमा नेपालमा हरेक वर्ष चट्याङ्कै कारण एक सय १० जनाले ज्यान गुमाउँदै आएका छन् । सावधानी अपनाउन नसक्दा यस्तो घटना हुने गरेको हो । चैत १५ देखि असार मसान्तसम्म नेपालमा चट्याङ्को बढी जोखिम हुने गर्दछ ।
    घर एवम् भवनहरुमा विद्युतीय सुचालकको प्रयोग गरेर आकाशदेखि जमिनसम्म सजिलो बाटो उपलव्ध गराउन सकेमा घर चट्याङ्को जोखिमबाट बच्ने डाक्टर शर्माले बताए । नेपालमा पछिल्लो समय निर्माण गरिएका भवनहरुमा बिद्युतीय सामानको अर्थिङ गर्ने गरिए पनि भवनको अर्थिङ समेत जोड्ने क्रम अझै प्रभाबकारी ढङ्गले गरिएको पाईँदैन ।
    घरका बिद्युतीय सामानको अर्थिङ गर्दा टाढाबाट बिद्युतीय तार र टेलिफोनका तार मार्फत आउने करेन्टबाट बचाउन सकिने शर्माको सुझाव छ । शर्माका अनुसार १० किलोमिटर पर परेको चट्याङ्लाई समेत बिद्युतीय वा टेलिफोनका तारले भोल्टेजलाई एन्टेनाको रुपमा रिसिब गरेर घर सम्म ल्याउने गर्दछ ।
    घरमा बिद्युतीय सामान सहित सम्पूर्ण भवनको चट्याङ प्रतिरक्षा सामग्री जोड्नुपर्ने बताए । घरको माथि रड राखेर त्यसलाई तामा वा ग्याल्मोनाईज आल्मोनियमको पाता अथवा रड मार्फत जमिन मुनि सम्म पु¥याएर सुरक्षित अवतरण गर्न उनले सुझाब दिए । त्यसलाई करिब ८ फिट गहिरो खाल्डो खनेर तामाको रड वा पातामा जोड्नु पर्ने उनले बताए । खाल्टोमा पहिले कोईला र नुन राख्ने गरे पनि त्यसले पाता विगार्ने हुँदा त्यसका लागि बनेको छुट्टै रसायन राख्न उनले सुझाब दिए ।
    चट्याङ्को फाईन सिग्नेचर विषयमा नेपालमा पहिलो विद्यावारिधि गरेका डाक्टर पितृभक्त अधिकारी चट्याङ् परेको समयमा निकै सावधानी अपनाउनु पर्ने सुझाव दिन्छन् । विदेशको एउटै फुटबल मैदानमा एकै समुहका ११ जना खेलाडीले चट्याङ्का कारण ज्यान गुमाउनु परेको भन्दै उनले सावधानी अपनाउनु नै बच्ने उपाय भएको बताए ।
    उनका अनुसार घर बाहिर हुँदा खुल्ला ठाउँमा रहेमा टाउको र खुट्टा जोडेर गोलो परेर बस्नुपर्ने हुन्छ । चट्याङ पर्ने समयमा रुखको नजिक, बिजुली र फोनको पोल, अग्ला भवन नजिक पनि नबस्न उनको सुझाव छ । बिद्युतीय सामग्रीहरु प्लगमा नजोड्न र ल्याण्डलाईन फोनमा कुरा नगर्न पनि अधिकारीको सुझाव छ । तर मोवाईल फोन भने चलाउन सकिने उनी बताउँछन् ।
    गाडीमा रहेमा सिसा लगाएर बस्नु पर्छ । धातुका गाडी सुरक्षित हुने भए पनि प्लाष्टिकका गाडी असुरक्षित हुने बिज्ञहरुको भनाई छ । खेतमा पानीमा काम नगर्न र पौडी नखेल्न पनि विज्ञको सुझाब छ । घर भित्र बस्दा झ्याल र भित्ता नजिक बस्न नहुने भन्दै डाक्टर अधिकारीले धाराका पानीमा करेन्ट आउन सक्ने भएकाले पानी नखेलाउन पनि सुझाब दिए ।
    चट्याङ् प्राकृतिक प्रकृया हो । अहिले मात्र होईन मानव जाती अथवा जिवजन्तुको पृथ्वीमा अस्तित्व हुनु भन्दा अगाबै चट्याङ् पर्ने गरेको विज्ञहरुको भनाई छ । ईन्जिनियरिङ् विषय अध्ययन गर्दै गरेका विद्यार्थीलाई पढाउँदै आएका डाक्टर शर्मा पृथ्वी र वायुमण्डलमा आउने सूर्यका विभिन्न किरणहरुले पृथ्वी वा वायुमण्डलमा बिद्युतीय चार्ज उत्पन्न गराई रहने बताउँछन् । उनका अनुसार यसरी उत्पन्न विद्युतीय चार्ज असन्तुलित बन्दा त्यो असन्तुलनलाई सन्तुलनमा ल्याउनका लागि चट्याङ् पर्छ ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.