चितवनमा निजी सवारी जोर विजोर, पसल हप्ताको तीन दिन सञ्चालन गर्न पाइने, के खुल्ने के नखुल्ने ?

चितवन, ९ असार । जिल्ला प्रशासन कार्यालय चितवनले निषेधाज्ञालाई केही खुकुलो बनाउँदै निजी सवारी साधन जोडर विजोर सञ्चालन गर्न पाईने व्यवस्था गरेको छ । प्रशासनद्वारा आज जारी निषेधाज्ञामा जोर गते जोर नम्बर र विजोर गते विजोर नम्बरका निजी सवारी साधन सञ्चालन गर्न पाईने भएको छ । तर निजी सवारी साधनमा सिट क्षमताभन्दा आधा (५० प्रतिशत) मात्रै राख्न पाईने छ ।

यस्तै खाद्यान्न, तरकारी, फलफूल, दूध डेरी, माछा/मासु, अण्डा, चल्ला, दाना, एग्रोभेट, भेटेरीनरी औषधि पसल, खाना पकाउने ग्याँस, निर्माण सामग्री सम्बन्धी पसल र पुस्तक तथा स्टेशनरीपसल दैनिक बिहान ६ बजेदेखि १० बजेसम्म मात्रै सञ्चालन पाईने भएको छ । दूध डेरीको हकमा बेलुकी ५ बजेदेखि ७ बजेसम्म मात्रै सञ्चालन गर्न पाईने छ ।

यसैगरी इलेक्ट्रिकल तथा इलेक्ट्रोनिक्स पसल, भाँडा पसल, कपडा पसल, फेन्सी पसल, कम्प्युटर पसल, कस्मेटिक तथा गिरफ्ट पसल, सुनचाँदी पसल, फर्निचर था फर्निसिङ, अटोमोबाईल, मोटरपार्टस्, जुत्ता/चप्पल पसल, टेलरिङ, प्रेस तथा फोटोकपी पसलहरु आईतबार, मंगलबार र बिहीबार दिउँसो १२ बजेदेखि अपरान्ह ४ बजेसम्म सञ्चालन गर्न पाईने छ ।

(हेर्नुहोस् विस्तृतमा )