चितवनका यी स्थानमा आज १० देखि २ बजेसम्म विद्युत अवरुद्ध हुने

चितवन, २२ जेठ । जिल्लाका केही स्थानमा आज शनिबार विद्युत अवरुद्ध हुने भएको छ । विद्युत पोल विस्तार कार्य गर्नुपर्ने भएकोले विरुद्ध अवरुद्ध हुने भएको हो ।

प्राधिकरण भरतपुर वितरण केन्द्रका अनुसार भरतपुर बस टर्मिनलदेखि गोन्द्राङसम्म सडक विस्तारको क्रममा विद्युत पोलहरु सार्ने काम भएकाले विहान १० बजेदेखि दिउँसो २ बजेसम्म विद्युत अवरुद्ध हुने छ ।

विद्युत् प्राधिकरण भरतपुर वितरण केन्द्र अन्तरगतको भरतपुर २ र औद्योगिक फिडर १ अन्तरगतका स्थानहरुमा विद्युत् कटौती हुने प्राधिकरणले जनाएको छ । तोकिएकै समयभन्दा पहिले काम सम्पन्न भए छिटो विद्युत सुचारु हुन सक्ने पनि प्राधिकरणले जनाएको छ ।