सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

बजेटको व्यवस्थाअनुसार राजस्व विभागद्वारा कर छुट दिन शुरु


  •    न्युजभित्तो/१८ जेष्ठ २०७८, मंगलवार १४:५३ 
  • काठमाडौँ, १८ जेठ । बजेटमा उल्लेख भएको कर छुटसम्बन्धी व्यवस्था कार्यान्वयनमा जान थालेको छ । आन्तरिक राजस्व विभागले बजेटमा उल्लेख भएको विषयमा कर छुट तथा सहुलियत दिन शुरु गरेको हो । आर्थिक अध्यादेश २०७८ को दफा २० देखि ३३ सम्म मुद्दा परेका, वक्यौता रहेका, पुनरावेदनमा रहेका, व्यवसायीको आम्दानी अनुसारको आयकरमा छुट लगायतको विशेष व्यवस्था छ ।

    सोही व्यवस्थालाई आन्तरिक राजस्व विभागले कार्यान्वयन गर्न थालेको हो । विभागले आर्थिक अध्यादेशबाट प्रदान गरिएको कर छुट तथा सहुलियतको व्यवस्था अध्यादेश जारी भएको मिति २०७८ जेठ १५ गतेदेखि लागू भएको जनाएको छ ।

    मुद्दा परेका, वक्यौता रहेका, पुनरावेदनमा रहेका मुद्दा फिर्ता लिइ कर तिरेमा कर छुट तथा सहुलियत हुने विभागका महानिर्देशक झक्कप्रसाद आचार्यले बताए । सेवाग्राहीले आन्तरिक राजस्व विभाग तथा करदाता कार्यालयमा सम्पर्क गरेर सुविधा लिन सकिने विभागको भनाइ छ ।  तर दफा २८ को कोरोना प्रभावित उद्योग व्यवसायको आयकरमा ९० प्रतिशतसम्म छुट दिने व्यवस्था भने आगामी साउनदेखि लागु हुने विभागले स्पष्ट पारेको छ ।

    यस दफाको उपदफा १ मा २० लाख रुपैयाँ सम्म कारोबार हुने व्यवसाय वा २ लाख सम्म आम्दानी हुने करदातालाई ९० प्रतिशत छुटको व्यवस्था छ भने उपदफा दुईमा २० लाखदेखि माथि ५० लाखसम्मको कारोबारमा ७५ प्रतिशत कर

    छुटको व्यवस्था गरिएको छ ।
    यस्तै उपदफा ३ मा एक करोडसम्म कारोबार भएको व्यवसायीले आयकरमा ५० प्रतिशत छुट र उपदफा ४ मा  होटल, ट्राभल, चलचित्र व्यवसाय, पार्टी प्यालेस, सञ्चारगृह, यातायात वा हवाइ सेवामा एक करोडभन्दा बढी कारोबार गर्ने व्यक्तिलाई आयमा एक प्रतिशत मात्र कर लाग्ने व्यवस्था छ ।

    तर, पछिल्लो दुई आर्थिक वर्षमा नोक्सानी भएको रहेछ भने त्यस्तो नोक्सानी कट्टा गर्न पाउने अवधि तीन वर्ष थपिएको छ ।

    तपाईको प्रतिक्रिया

    ताजा अपडेट

    टेन्ट टाँगेर आफ्नै थातथलो फर्किए टिमुरेका बाढीपीडित
    दूरसञ्चार सेवा प्रदायकलाई जरिवाना र ब्याज मिनाहाको सुविधा
    धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    • गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    • सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.