नेपाली युवा उद्यमी मञ्च चितवनको अध्यक्षमा राजेश गौतम

चितवन, १ जेठ । नेपाली युवा उद्यमी मञ्च, चितवन शाखाको अध्यक्षमा राजेश गौतम चयन हुनु भएको छ । शुक्रबार भर्चुअल माध्यमबाट भएको वार्षिक साधारणसभा तथा अधिवेशनले गौतमको अध्यक्षतामा सर्वसम्मत नयाँ कार्यसमिति चयन गरेको हो ।

मञ्चको प्रथम उपाध्यक्षमा सूर्यभक्त अधिकारी र द्धितिय उपाध्यक्षमा विकल दाहाल चयन हुनु भएको छ । यस्तै सदस्यहरुमा गोपाल गौतम, उमेश श्रेष्ठ, सन्तोष कँडेल, निशान पौडेल, सुमन कोइराला, सुमन पौडेल र मदन सापकोटा चयन भएका छन् ।

अधिवेशनको प्रमुख अतिथि नेपाली युवा उद्यमी मञ्चका केन्द्रीय अध्यक्ष प्रकाश देव पालिखे र विशिष्ट अतिथि पूर्व अध्यक्ष निकोलस पाण्डे रहनु भएको थियो । कार्यक्रम मञ्चका अध्यक्ष कृष्णप्रसाद सापकोटाको अध्यक्षतामा सम्पन्न भएको थियो ।

मञ्चले जिल्लाका युवा उद्यमीहरुलाई प्रोत्साहन गर्नुका साथै विभिन्न सामाजिक कार्य गर्दै आएको छ ।