भरतपुर, २८ वैशाख । केटीबी एड्भटाईजिङ्ग एजेन्सीले प्रकाशित गरेको कोभिड १९ विशेष विजनेश म्यागाजिनको आज डिजिटल प्रविधि मार्फत विमोचन गरिएको छ । चितवन क्षेत्र नं. ३ का सांसद एवं नेकपा (माओवादी केन्द्र) का अध्यक्ष पुष्पकमल दाहालले जुम मार्फत् पुस्तकको विमोचन गर्नुभएको हो ।
सो अवसरमा बोल्दै दाहालले सबै क्षेत्र कोभिड विरुद्ध जुट्नु पर्ने बेला आएको बताउनुभयो । चितवनबाट प्रकाशित भएको यो म्यागाजिनले चितवन आधार क्षेत्र बनाएर सम्पूर्ण क्षेत्रको विषय उठान गरेपनि यसले समग्र देशकै प्रतिनिधित्व गरेको उहाँको भनाई थियो । उहाँले भन्नुभयो “चितवन आधार क्षेत्र बनाएर देशकै अर्थतन्त्रलाई प्रतिनिधित्व गरी कोभिडलाई जोडेर तयार पार्नुभएको छ । यो प्रयास प्रशंसनीय र सह्रानीय छ ।”
विमोचन समारोह विशिष्ठ अतिथि भरतपुर महानगरपालिकाका प्रमुख रेनु दाहालले विगतका बर्षमा महानगरले कोभिड न्यूनीकरणको लागि उल्लेख्य काम गरेको भन्दै अहिले पनि महानगर उत्तिकै गम्भीर भएर काम गरिरहेको बताउनुभयो । कोभिड संक्रमित बिरामीको उपचारमा कुनै कसर बाँकी नराख्ने भन्दै उहाँले कोभिड न्यूनिकरणको लागि सबै क्षेत्रसंँग हातेमालो गर्दै अगाडि बढ्ने प्रतिबद्धता व्यक्त गर्नुभयो ।
भरतपुर अस्पताल समितिका अध्यक्ष भोजराज अधिकारीले चितवन देशकै केन्द्र विन्दु भएको र दैनिकरुपमा बिरामीको चाप बढ्दै गएको भएपनि स्वास्थ्यकर्मीहरुले बिरामीको सेवामा कुनैपनि कमी हुन नदिएको बताउनुभयो ।
पत्रकार महासंघ चितवनका अध्यक्ष नारायण अधिकारीले कोभिडले सबैभन्दा बढी मिडिया प्रभावित भएको बताउँदै भन्नुभयो “व्यवसायी र स्थानीय तहले खर्च कटौतीका नाममा पहिलो खर्च विज्ञापनको कटाउँनु हुँदैन ।” उहाँले स्थानीय पालिकाहरुले यो असहज अवस्थामा यहाँका मिडियालाई सक्दो सहयोग गर्नुपर्नेमा जोड दिनुभयो ।
चितवन उद्योग संघका अध्यक्ष राजु पौडेलले सरकारको मेरुदण्डको रुपमा नीजि क्षेत्र भएपनि कोभिडको महामारीमा कुनै सहयोग नगरेको गुनासो गर्नुभयो । चेम्बरअफ कमर्स, चितवनका अध्यक्ष दिर्घमान श्रेष्ठले नीजि क्षेत्र पनि उत्तिकै कोभिडको मारमा रहेको भन्दै व्यवसायभन्दा स्वास्थ्यको बढी चिन्ता रहेको बताउनुभयो ।
म्यागाजिनको बारे संक्षिप्त रुपमा बताउंँदै सम्पादक सूर्यप्रसाद अधिकारीले गतबर्षको कोभिडका विषयलाई अहिले प्रकाशित गरेपनि विषयवस्तुहरुले अहिले पनि उत्तिकै सान्दर्भिक रहेको बताउनुभयो । उहाँले म्यागाजिनमा समग्र देशको प्रतिनिधित्व हुनेगरी चितवनका शिक्षा, स्वास्थ्य, उद्योग, कृषि पर्यटन विकास निर्माण लगायतका क्षेत्रहरुमा कोभिडले पारेको असर, चुनौति र सम्भावनालाई उजागर गर्ने प्रयास बताउनुभयो ।
विमोचन कार्यक्रमका सभापति एवं केटीबी एडभर्टाइजिङ्ग एजेन्सीका अध्यक्ष किशोरचन्द्र सापकोटाले कम्पनीले व्यवसाय मात्र नभई सूचना सम्प्रेषण गर्दै आएको बताउंँदै सामाजिक उत्तरदायित्वलाई पनि उत्तिकै महत्व दिएको बताउनुभयो । सबै क्षेत्र, विषयविज्ञ, भरतपुर महानगरपालिका सबैको साथ र सहयोगबाट म्यागाजिन प्रकाशन गर्न सफल भएको उहाँले जानकारी दिनुभयो ।
कुल ११२ पृष्ठ लामो रंगीन यस म्यागाजिनमा कोभिड १९ को समयको शुरुवाती समय , मध्यमसमय र मत्थर भइसकेको अवस्थालाई मिहिन रुपमा केलाएर चित्रण गर्ने प्रयास गरिएको छ ।
भरतपुर, २८ वैशाख । केटीबी एड्भटाईजिङ्ग एजेन्सीले प्रकाशित गरेको कोभिड १९ विशेष विजनेश म्यागाजिनको आज डिजिटल प्रविधि मार्फत विमोचन गरिएको छ । चितवन क्षेत्र नं. ३ का सांसद एवं नेकपा (माओवादी केन्द्र) का अध्यक्ष पुष्पकमल दाहालले जुम मार्फत् पुस्तकको विमोचन गर्नुभएको हो ।
सो अवसरमा बोल्दै दाहालले सबै क्षेत्र कोभिड विरुद्ध जुट्नु पर्ने बेला आएको बताउनुभयो । चितवनबाट प्रकाशित भएको यो म्यागाजिनले चितवन आधार क्षेत्र बनाएर सम्पूर्ण क्षेत्रको विषय उठान गरेपनि यसले समग्र देशकै प्रतिनिधित्व गरेको उहाँको भनाई थियो । उहाँले भन्नुभयो “चितवन आधार क्षेत्र बनाएर देशकै अर्थतन्त्रलाई प्रतिनिधित्व गरी कोभिडलाई जोडेर तयार पार्नुभएको छ । यो प्रयास प्रशंसनीय र सह्रानीय छ ।”
विमोचन समारोह विशिष्ठ अतिथि भरतपुर महानगरपालिकाका प्रमुख रेनु दाहालले विगतका बर्षमा महानगरले कोभिड न्यूनीकरणको लागि उल्लेख्य काम गरेको भन्दै अहिले पनि महानगर उत्तिकै गम्भीर भएर काम गरिरहेको बताउनुभयो । कोभिड संक्रमित बिरामीको उपचारमा कुनै कसर बाँकी नराख्ने भन्दै उहाँले कोभिड न्यूनिकरणको लागि सबै क्षेत्रसंँग हातेमालो गर्दै अगाडि बढ्ने प्रतिबद्धता व्यक्त गर्नुभयो ।
भरतपुर अस्पताल समितिका अध्यक्ष भोजराज अधिकारीले चितवन देशकै केन्द्र विन्दु भएको र दैनिकरुपमा बिरामीको चाप बढ्दै गएको भएपनि स्वास्थ्यकर्मीहरुले बिरामीको सेवामा कुनैपनि कमी हुन नदिएको बताउनुभयो ।
पत्रकार महासंघ चितवनका अध्यक्ष नारायण अधिकारीले कोभिडले सबैभन्दा बढी मिडिया प्रभावित भएको बताउँदै भन्नुभयो “व्यवसायी र स्थानीय तहले खर्च कटौतीका नाममा पहिलो खर्च विज्ञापनको कटाउँनु हुँदैन ।” उहाँले स्थानीय पालिकाहरुले यो असहज अवस्थामा यहाँका मिडियालाई सक्दो सहयोग गर्नुपर्नेमा जोड दिनुभयो ।
चितवन उद्योग संघका अध्यक्ष राजु पौडेलले सरकारको मेरुदण्डको रुपमा नीजि क्षेत्र भएपनि कोभिडको महामारीमा कुनै सहयोग नगरेको गुनासो गर्नुभयो । चेम्बरअफ कमर्स, चितवनका अध्यक्ष दिर्घमान श्रेष्ठले नीजि क्षेत्र पनि उत्तिकै कोभिडको मारमा रहेको भन्दै व्यवसायभन्दा स्वास्थ्यको बढी चिन्ता रहेको बताउनुभयो ।
म्यागाजिनको बारे संक्षिप्त रुपमा बताउंँदै सम्पादक सूर्यप्रसाद अधिकारीले गतबर्षको कोभिडका विषयलाई अहिले प्रकाशित गरेपनि विषयवस्तुहरुले अहिले पनि उत्तिकै सान्दर्भिक रहेको बताउनुभयो । उहाँले म्यागाजिनमा समग्र देशको प्रतिनिधित्व हुनेगरी चितवनका शिक्षा, स्वास्थ्य, उद्योग, कृषि पर्यटन विकास निर्माण लगायतका क्षेत्रहरुमा कोभिडले पारेको असर, चुनौति र सम्भावनालाई उजागर गर्ने प्रयास बताउनुभयो ।
विमोचन कार्यक्रमका सभापति एवं केटीबी एडभर्टाइजिङ्ग एजेन्सीका अध्यक्ष किशोरचन्द्र सापकोटाले कम्पनीले व्यवसाय मात्र नभई सूचना सम्प्रेषण गर्दै आएको बताउंँदै सामाजिक उत्तरदायित्वलाई पनि उत्तिकै महत्व दिएको बताउनुभयो । सबै क्षेत्र, विषयविज्ञ, भरतपुर महानगरपालिका सबैको साथ र सहयोगबाट म्यागाजिन प्रकाशन गर्न सफल भएको उहाँले जानकारी दिनुभयो ।
कुल ११२ पृष्ठ लामो रंगीन यस म्यागाजिनमा कोभिड १९ को समयको शुरुवाती समय , मध्यमसमय र मत्थर भइसकेको अवस्थालाई मिहिन रुपमा केलाएर चित्रण गर्ने प्रयास गरिएको छ ।