नारायणगढ–मुग्लिन सडक खण्डमा पहिरोले सडक अवरुद्ध, ९ः३० बजेसम्म सडक नियमित हुने

चितवन । नारायणगढ–मुग्लिनसडकको चार किलोमा शनिबार बिहान सुख्खा पहिरो खसेको छ । बिहान २ बजेको समयमा इच्छाकामना गाउँपालिका वडा नं. ४ स्थित ३ नम्वर पुलमा सुख्खा पहिरो खस्दा सडक अवरुद्ध भएको नारायणगढ–मुग्लिन सडक आयोजनाका इञ्जिनियर शिव खनालले जानकारी दिनुभयो ।

खनालका अनुसार पहिरो पन्छाउने काम भईरहेको र बिहान ९ः३० बजेसम्म सडक सञ्चालनमा ल्याउने गरी काम भईरहेको उहाँले बताउनुभयो । पहिरो खसेपछि नारायणगढबाट राजधानी काठमाण्डौं, पोखरा लगायतका शहरमा जाने आउने अत्यावश्यकीय वस्तु ढुवानीका साधनहरु रोकिएका छ न् ।