भोजपुर, ३२ असार । भोजपुरको हतुवागढी गाउँपालिकाले कृषि तथा पशुपालन क्षेत्रमा योगदान पु¥याउने तीन जना उत्कृष्ट किसानलाई नगदसहित सम्मान गरेको छ ।
कृषितर्फ हतुवागढी–७ का मानबहादुर राई र हतुवागढी–१ का नरबहादुर तामाङ र पशुपालनतर्फ हतुवागढी–२ लुङगिनका चक्रबहादुर थापा सम्मानित भएका हुन् । सम्मानित किसानलाई सम्मानपत्रसहित जनही रु १५ हजार नगद प्रदान गरिएको छ ।
गाउँपालिका अध्यक्ष प्रेमकुमार राईले कृषिलाई सम्मानजनक पेसाका रूपमा स्थापित गर्न उत्कृष्ट किसानलाई प्रोत्साहन गरिएको बताउनुभयो । उहाँले कृषि क्षेत्रलाई व्यावसायिक बनाउँदै स्थानीयस्तरमै रोजगारी सिर्जना गर्ने गाउँपालिकाको नीति रहेको उल्लेख गर्नुभयो ।
कृषि र पशुपालनलाई आधुनिक प्रविधिसँग जोड्दै उत्पादन बढाउनु अहिलेको आवश्यकता रहेको उहाँको भनाइ छ । गाउँपालिकाले कृषकलाई आवश्यक सहयोग र सहुलियत उपलब्ध गराउँदै आएको छ । उहाँका अनुसार अनुदान, तालिम, प्रविधि हस्तान्तरणलगायतका कार्यक्रममार्फत कृषकको क्षमता अभिवृद्धि गरिँदै आएको छ ।
त्यसैगरी प्रमुख प्रशासकीय अधिकृत महेश निरौलाले कृषिमा उत्कृष्ट काम गर्ने किसानलाई छनोट गरेर उनीहरुलाई सम्मान गरिएको बताउनुभयो । कृषिलाई व्यावसायिक बनाउन यस्ता सम्मान कार्यक्रमले सकारात्मक सन्देश दिने उहाँको भनाइ छ ।
गाउँपालिकाले आगामी दिनमा पनि उत्कृष्ट काम गर्ने कृषकलाई प्रोत्साहन गर्दै कृषि तथा पशुपालन क्षेत्रको विकासलाई प्राथमिकतामा राख्ने जनाएको छ । साथै उत्पादन वृद्धि, बजार व्यवस्थापन र मूल्य अभिवृद्धिका कार्यक्रमलाई थप प्रभावकारी बनाउँदै लैजाने योजना रहेको गाउँपालिकाको भनाइ छ ।
यसैबीच गाउँपालिकाले उत्कृष्ट कार्यसम्पादन गर्ने ११ जना कर्मचारीलाई पनि नगदसहित सम्मान गरेको छ । उत्कृष्ट कर्मचारीलाई जनही रु ११ हजार १११ नगदसहित सम्मानपत्र प्रदान गरिएको हो । उत्कृष्ट कार्यसम्पादन गर्ने लेखा अधिकृत खेमराज भट्टराईसहित ११ जना कर्मचारी र एक जना स्वास्थ्य स्वयंसेविकालाई सम्मान गरिएको हो । रासस
भोजपुर, ३२ असार । भोजपुरको हतुवागढी गाउँपालिकाले कृषि तथा पशुपालन क्षेत्रमा योगदान पु¥याउने तीन जना उत्कृष्ट किसानलाई नगदसहित सम्मान गरेको छ ।
कृषितर्फ हतुवागढी–७ का मानबहादुर राई र हतुवागढी–१ का नरबहादुर तामाङ र पशुपालनतर्फ हतुवागढी–२ लुङगिनका चक्रबहादुर थापा सम्मानित भएका हुन् । सम्मानित किसानलाई सम्मानपत्रसहित जनही रु १५ हजार नगद प्रदान गरिएको छ ।
गाउँपालिका अध्यक्ष प्रेमकुमार राईले कृषिलाई सम्मानजनक पेसाका रूपमा स्थापित गर्न उत्कृष्ट किसानलाई प्रोत्साहन गरिएको बताउनुभयो । उहाँले कृषि क्षेत्रलाई व्यावसायिक बनाउँदै स्थानीयस्तरमै रोजगारी सिर्जना गर्ने गाउँपालिकाको नीति रहेको उल्लेख गर्नुभयो ।
कृषि र पशुपालनलाई आधुनिक प्रविधिसँग जोड्दै उत्पादन बढाउनु अहिलेको आवश्यकता रहेको उहाँको भनाइ छ । गाउँपालिकाले कृषकलाई आवश्यक सहयोग र सहुलियत उपलब्ध गराउँदै आएको छ । उहाँका अनुसार अनुदान, तालिम, प्रविधि हस्तान्तरणलगायतका कार्यक्रममार्फत कृषकको क्षमता अभिवृद्धि गरिँदै आएको छ ।
त्यसैगरी प्रमुख प्रशासकीय अधिकृत महेश निरौलाले कृषिमा उत्कृष्ट काम गर्ने किसानलाई छनोट गरेर उनीहरुलाई सम्मान गरिएको बताउनुभयो । कृषिलाई व्यावसायिक बनाउन यस्ता सम्मान कार्यक्रमले सकारात्मक सन्देश दिने उहाँको भनाइ छ ।
गाउँपालिकाले आगामी दिनमा पनि उत्कृष्ट काम गर्ने कृषकलाई प्रोत्साहन गर्दै कृषि तथा पशुपालन क्षेत्रको विकासलाई प्राथमिकतामा राख्ने जनाएको छ । साथै उत्पादन वृद्धि, बजार व्यवस्थापन र मूल्य अभिवृद्धिका कार्यक्रमलाई थप प्रभावकारी बनाउँदै लैजाने योजना रहेको गाउँपालिकाको भनाइ छ ।
यसैबीच गाउँपालिकाले उत्कृष्ट कार्यसम्पादन गर्ने ११ जना कर्मचारीलाई पनि नगदसहित सम्मान गरेको छ । उत्कृष्ट कर्मचारीलाई जनही रु ११ हजार १११ नगदसहित सम्मानपत्र प्रदान गरिएको हो । उत्कृष्ट कार्यसम्पादन गर्ने लेखा अधिकृत खेमराज भट्टराईसहित ११ जना कर्मचारी र एक जना स्वास्थ्य स्वयंसेविकालाई सम्मान गरिएको हो । रासस