सुनको मूल्यमा नयाँ रेकर्ड, १ लाख ४६ हजार ९ सयमा कारोबार

काठमाडौँ, ३१ असार । नेपाली बजारमा आज (सोमबार) सुनको मूल्यले नयाँ रेकर्ड कायम गरेको छ । नेपाल सुनचाँदी व्यवसायी महासंघका अनुसार प्रतितोला २ सय रुपैयाँले बढेर सुनको मूल्यले नयाँ रेकर्ड कायम गरेको हो ।

योसँगै आज सुन प्रतितोला १ लाख ४६ हजार ९ सय रुपैयाँ कायम भएको छ । यसअघि शुक्रबार र आइतबार प्रतितोला १ लाख ४६ हजार ७ सय रुपैयाँको उच्च मूल्य रेकर्ड बनेको थियो ।