तोलामा १ हजार ६ सयले बढ्यो सुनको मूल्य

काठमाडौँ, २० असार । स्थानीय बजारमा आज (बिहीबार) सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य १ हजार ६०० रुपैयाँले बढेको हो ।

यो सँगै सुनको मूल्य तोलामा १ लाख ४४ हजार ३०० रुपैयाँ पुगेको छ । महासंघका अनुसार बुधबार भने सुनको मूल्य तोलामा १ लाख ४२ हजार ७०० रुपैयाँमा कारोवार भएको थियो ।

यसैगरी तेजाबी सुन तोलामा १ लाख ४३ हजार ६०० रुपैयाँमा कारोबार भएको महासंघले जनाएको छ ।