एमालेको सदस्यता नविकरणको समय जेठ मसान्तसम्म मात्रै

काठमाण्डौं, २६ जेठ । नेकपा (एमाले) को सदस्यता नविकरणको समय जेठ मसान्तसम्म तोकिएको छ । बि.सं. २०८१ को नविकरण जेठ मसान्तसम्म मात्रै गर्न पाईने भएको हो ।

नेकपा (एमाले) केन्द्रीय संगठन विभागका प्रमुख काशीनाथ अधिकारीले पार्टीको प्रथम राष्ट्रिय महाधिवेशन परिषद्को निर्णय अनुरुप पार्टीका योग्यतम सदस्यहरुले २०८१ को सदस्यता नवीकरण गर्न पाउने अन्तिम समय जेठ मसान्तसम्म भएको बताउनुभयो । उहाँले नविकरण नगरेका सदस्यहरुले जेठ मसान्तभित्र गर्न पाउने उहाँको भनाई छ ।

अधिकारीले भन्नुभयो “जेठ मसान्तपछि २०८१ को नविकरण गर्न पाईदैन, जेठभित्रै गर्नुपर्छ ।” देशैभरी र विदेशमा रहनु भएका सदस्यहरुलाई समेत यो नियम लागू हुने अधिकारीले बताउनुभयो । एमाले सिद्धान्त, विचार र नीतिमा चल्ने पार्टी भएको भन्दै उहाँले पार्टी सदस्यहरुले पनि यसलाई पालना गर्नुपर्ने बताउनुभयो ।