सुनको मूल्यमा फेरि नयाँ ऐतिहासिक रेकर्ड कायम, कतिमा हुँदै छ कारोबार ?

काठमाडौँ, ७ जेठ । आज (सोमबार) नेपाली बजारमा सुनको मूल्यले नयाँ रेकर्ड कायम गरेको छ । अन्तर्राष्ट्रिय बजारमै सुनको मूल्यले नयाँ उचाइ लिँदै जाँदा नेपाली बजारमा सुनको मूल्यले हिजो (आइतबार)को रेकर्ड तोड्दै्र आज पुनः नयाँ रेकर्ड काएम गरेको हो ।

आइतबारको तुलनामा सोमबार प्रतितोला ९ सय रुपैयाँले सुनको मूल्य बढेको छ । नेपाल सुनचाँदी व्यवसायी महासंघका अनुसार अघिल्लो दिन सुनको मूल्य तोलामा १ लाख ४० हजार ९ सय रुपैयाँ पुगेर त्यसअघिका सबै रेकर्ड तोडेको थियो ।

आज फेरि तोलामा १ लाख ४१ हजार ८ सय रुपैयाँ पुगेको छ ।