देशका पूर्वी र मध्य भागमा मनसुनको प्रभाव : आज कहाँ-कहाँ पर्छ पानी ?

काठमाण्डौं,३२ जेठ। अहिले देशका पूर्वी तथा मध्य भू-भागमा मनसुनी प्रणालीको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।महाशाखाका अनुसार भने बाँकी भू-भागमा भने पश्चिमी वायुको आंशिक प्रभाव रहेको छ।

अहिले बिहान कोशी प्रदेश लगायत देशका पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सफा  रहेको छ। कोशी, बागमती र गण्डकी प्रदेशका थोरै स्थानमा मेघ-गर्जन तथा चट्याङसहित हल्का वर्षा भइरहेको छ।

आज कोशी प्रदेश लगायत देशका पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सफा रहनेछ। कोशी, बागमती र गण्डकी प्रदेशका केही स्थानमा र बाँकी पहाडी भू-भागका थोरै स्थानमा मेघ-गर्जन तथा चट्याङसहित हल्कादेखि मध्यम वर्षाको सम्भावना छ।

आज राति कोशी प्रदेश लगायत देशका पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सफा रहनेछ। कोशी प्रदेश लगायत बागमती र गण्डकी प्रदेशको पहाडी भू-भागका केही स्थानमा मेघ-गर्जन तथा चट्याङसहित हल्कादेखि मध्यम वर्षाको सम्भावना छ ।

साथै मधेश प्रदेशसहित देशका बाँकी पहाडी भू-भागका थोरै स्थानमा मेघ-गर्जन तथा चट्याङसहित क्षणिक वा हल्का वर्षाको सम्भावना रहेको छ ।