५ प्रदेशमा परिरहेको छ पानी, दिउँसो हावाहुरी पनि आउने

काठमाण्डौं,११ वैशाख। हाल देशमा पश्चिमी साथै स्थानीय वायुको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जानकारी दिएको छ। 

महाशाखाका अनुसार अहिले बिहान देशभर आंशिकदेखि सामान्य बदली रहेको छ । सुदूरपश्चिम, कर्णाली, लुम्बिनी, गण्डकी र बागमती प्रदेशका थोरै स्थानमा हल्का वर्षा भइहेको छ।

आज दिउँसो देशभर आंशिक देखि सामान्यतया बदली रहने छ। देशका केही स्थानहरुमा मेघ गर्जनतथा चट्याङ्सहित हल्का तथा क्षणिक वर्षाको  सम्भावना  छ। तराईका थोरै स्थानमा हावा–हुरीको सम्भावना छ।

आज राति लुम्बिनी, गण्डकी, कर्णाली र सुदूरपश्चिम प्रदेशलगायत देशका पहाडी भू–भागमा आंशिकदेखि सामान्य बदली रही बाँकी भू–भागमा मौसम सफा रहने छ। 

देशका पहाडी भू–भागका थोरै स्थानमा मेघ गर्जन तथ चट्याङ्सहित हल्का तथा क्षणिक वर्षाको  सम्भावना रहेको मौसम पूर्वानुमान महाशाखाले जनाएको छ।