प्रधानमन्त्रीलाई भेटेर आफ्ना कुरा सुनाउन चाहन्छन् मिटरब्याज पीडित

काठमाण्डौं,१४ चैत्र ।गृह मन्त्रालयका सहसचिव केदारनाथ शर्मा र काठमाडौंका प्रमुख जिल्ला अधिकारी घनश्याम उपाध्यायले आन्दोलनरत मिटरब्याज पीडितलाई बालुवाटार पुगेका छन्। आज (मंगलबार) बिहान प्रधानमन्त्री निवासअगाडि धर्ना दिन गएका पीडितहरूसँग बालुवाटार पुगेर सहसचिव शर्मा र उपाध्यायले कुराकानी गरेका हुन्।

काठमाडौं, चैत १४-

गृह मन्त्रालयका सहसचिव केदारनाथ शर्मा र काठमाडौंका प्रमुख जिल्ला अधिकारी घनश्याम उपाध्यायले आन्दोलनरत मिटरब्याज पीडितलाई बालुवाटार पुगेका छन्। आज (मंगलबार) बिहान प्रधानमन्त्री निवासअगाडि धर्ना दिन गएका पीडितहरूसँग बालुवाटार पुगेर सहसचिव शर्मा र उपाध्यायले कुराकानी गरेका हुन्।

मिटरब्याज पीडितहरू ११ दिन हिँडेर आइतबार काठमाडौं आइपुगेका थिए। आइतबार मातातिर्थमा बसेका उनीहरू सोमबार राति खुलामञ्चमा बस्न खोजेका थिए। तर, काठमाडौं महानगरपालिकाले खुलामञ्चमा प्रवेश गर्न नदिएपछि पीडितहरू सडक किनारामै रात बिताएर मंगलबार बिहानै बालुवाटार प्रस्थान गरेका थिए।

सहसचिव शर्मा र प्रमुख जिल्ला अधिकारी उपाध्यायसँगको भेटमा पीडितहरूले खुलामञ्चमा बस्न नदिने महानगरप्रमुख बालेन शाहबारे गुनासो गरेका थिए।