सुरू भयो लोडसेडिङ,औद्योगिक क्षेत्रमा दिनकै ९ घण्टा विद्युत कटौती

काठमाडौं,२६ पुस । नेपाल विद्युत प्राधिकरणले ओद्योगिक क्षेत्रमा नौ घण्टासम्म लोडसेडिङ गरेको उद्योगीहरूले गुनासो गरेका छन् । भारतबाट आयात हुने विद्युत कटौती भएपछि त्यसको व्यवस्थापन गर्न नसक्दा प्राधिकरणले देशभरका औद्योगिक क्षेत्रमा बत्ती कटौती गरेको छ । नेपाल विद्युत प्राधिकरणका प्रवक्ता शुरेबहादुर भट्टराईले बिहान करिब ५ घण्टा र साँझ ४ घण्टा विद्युत कटौती भएको स्वीकार गरेका छन् । उनले अहिले उद्योगहरूमा मात्रै विद्युत कटौती गरिएको र साना उद्योहरूको कटौती नगरेको बताएका छन् ।