निर्वाचनमा १ लाख ३० हजार म्यादी प्रहरी भर्ना खुलाउने योजना

काठमाडौँ, साउन २६। प्रतिनिधिसभा र प्रदेशसभा निर्वाचनका लागि प्रहरी प्रधान कार्यालयले १ लाख ३० हजार म्यादी प्रहरीका लागि भर्ना खुलाउने भएको छ । स्थानीय तह निर्वाचन सम्पन्न भएको ठिक ६ महिनापछि प्रतिनिधिसभा र प्रदेशसभा निर्वाचन हुन लागेको हो ।

त्यस्तै मन्त्रिपरिषद्ले मंसिर ४ मा निर्वाचनको मिति घोषणा गरेपछि उक्त निर्वाचनको सुरक्षाका लागि १ लाख ३० हजार म्यादी प्रहरी आवश्यक पर्ने निष्कर्ष आएको छ । वैशाख ३० मा सम्पन्न स्थानीय तह निर्वाचनमा सरकारले १ लाख म्यादी प्रहरी भर्ना गरेको थियो ।