चितवन, २ जेठ । जननेता मदन भण्डारी र जीवराज आश्रितको २९ औैं स्मृति दिवस भोलि जेठ ३ गते विभिन्न कार्यक्रम गरी मनाईदै छ । मदन भण्डारी फाउण्डेशन चितवनले भोलि जेठ ३ गते बिहान ८ बजे दासढुंगामा विशेष कार्यक्रम गर्ने भएको हो ।
फाउण्डेशन चितवनका अध्यक्ष डा. तिलचन्द्र भट्टराईका अनुसार जननेता मदन भण्डारी र कुशल संगठक जीवराज आश्रितको स्मृतिमा भोलि जेठ ३ गते दासढुंगामा श्रद्धाञ्जली कार्यक्रम आयोजना गरिएको छ । बिहान ८ बजे हुने कार्यक्रममा सहभागी हुन उहाँले सबैलाई आग्रह गर्नुभयो । दासढुंगामा मदन आश्रितको शालिकमा माल्यार्पण सहित श्रद्धाञ्जली कार्यक्रम गरिने उहाँले जानकारी दिनुभयो ।
तत्कालिनन नेकपा एमालेका महासचिव मदन भण्डारी र संगठन विभाग प्रमुख जीवराज आश्रितको २०५० साल जेठ ३ गते चितवनको दासढुंगामा भएको रहस्यमय जीप दुर्घटनामा निधन भएको थियो ।
सोही दिनको स्मरणमा नेकपा एमाले र मदन भण्डारी फाउण्डेशनले विभिन्न कार्यक्रम गर्दै आएकोमा यस वर्ष स्थानीय तहको निर्वाचनको मतगणना चलिरहेकाले छोटो. रुपमा कार्यक्रम गर्न लागिएको हो ।
फाउण्डेशन चितवनले दासढुंगा र गाँजीपुरलाई राजनीतिक तीर्थस्थलको रुपमा विकास गर्दै पर्यटकीय आकर्षणको केन्द्र बगाउन लागि परेको छ ।
बि.सं. २०५० साल जेठ ३ गते नारायणगढ–मुग्लिन सडकखण्डअन्तर्गत दासढुंगामा रहस्यमय जीप दुर्घटनामा परेर तत्कालीन एमाले महासचिव मदन भण्डारी र संगठन बिभाग प्रमुख जीवराज आश्रितको स्वर्गारोहण भएको थियो । यो दुर्घटना थियो या हत्या भन्ने कुरा अझैसम्म गर्भमै छ ।
दुर्घटनाका एकमात्र प्रत्यक्षदर्शी थिए मदन भण्डारीको गाडी चालक अमर लामा । अदालतबाट दोषी ठहर भइ सजायँ भोगेका लामाको २०६० साउन ११ गते कीर्तिपुरमा लखेटी लखेटी हत्या गरियो । अमर लामाको हत्या कसले गर्यो त्यो पनि रहस्यकै गर्भमा छ । एकमात्र साक्षीको पनि हत्या भएपछि दासढुंगा काण्डको वास्तविकता यही नै हो भन्ने अवस्था छैन ।
जननेता भण्डारीले प्रतिपादन गरेको जनताको बहुदलीय जनवादलाई नेकपा एमालेले अहिले पनि पार्टीको मार्गदर्शक सिद्धान्तका रुपमा अघि बढाउँदै आएको छ ।
चितवन, २ जेठ । जननेता मदन भण्डारी र जीवराज आश्रितको २९ औैं स्मृति दिवस भोलि जेठ ३ गते विभिन्न कार्यक्रम गरी मनाईदै छ । मदन भण्डारी फाउण्डेशन चितवनले भोलि जेठ ३ गते बिहान ८ बजे दासढुंगामा विशेष कार्यक्रम गर्ने भएको हो ।
फाउण्डेशन चितवनका अध्यक्ष डा. तिलचन्द्र भट्टराईका अनुसार जननेता मदन भण्डारी र कुशल संगठक जीवराज आश्रितको स्मृतिमा भोलि जेठ ३ गते दासढुंगामा श्रद्धाञ्जली कार्यक्रम आयोजना गरिएको छ । बिहान ८ बजे हुने कार्यक्रममा सहभागी हुन उहाँले सबैलाई आग्रह गर्नुभयो । दासढुंगामा मदन आश्रितको शालिकमा माल्यार्पण सहित श्रद्धाञ्जली कार्यक्रम गरिने उहाँले जानकारी दिनुभयो ।
तत्कालिनन नेकपा एमालेका महासचिव मदन भण्डारी र संगठन विभाग प्रमुख जीवराज आश्रितको २०५० साल जेठ ३ गते चितवनको दासढुंगामा भएको रहस्यमय जीप दुर्घटनामा निधन भएको थियो ।
सोही दिनको स्मरणमा नेकपा एमाले र मदन भण्डारी फाउण्डेशनले विभिन्न कार्यक्रम गर्दै आएकोमा यस वर्ष स्थानीय तहको निर्वाचनको मतगणना चलिरहेकाले छोटो. रुपमा कार्यक्रम गर्न लागिएको हो ।
फाउण्डेशन चितवनले दासढुंगा र गाँजीपुरलाई राजनीतिक तीर्थस्थलको रुपमा विकास गर्दै पर्यटकीय आकर्षणको केन्द्र बगाउन लागि परेको छ ।
बि.सं. २०५० साल जेठ ३ गते नारायणगढ–मुग्लिन सडकखण्डअन्तर्गत दासढुंगामा रहस्यमय जीप दुर्घटनामा परेर तत्कालीन एमाले महासचिव मदन भण्डारी र संगठन बिभाग प्रमुख जीवराज आश्रितको स्वर्गारोहण भएको थियो । यो दुर्घटना थियो या हत्या भन्ने कुरा अझैसम्म गर्भमै छ ।
दुर्घटनाका एकमात्र प्रत्यक्षदर्शी थिए मदन भण्डारीको गाडी चालक अमर लामा । अदालतबाट दोषी ठहर भइ सजायँ भोगेका लामाको २०६० साउन ११ गते कीर्तिपुरमा लखेटी लखेटी हत्या गरियो । अमर लामाको हत्या कसले गर्यो त्यो पनि रहस्यकै गर्भमा छ । एकमात्र साक्षीको पनि हत्या भएपछि दासढुंगा काण्डको वास्तविकता यही नै हो भन्ने अवस्था छैन ।
जननेता भण्डारीले प्रतिपादन गरेको जनताको बहुदलीय जनवादलाई नेकपा एमालेले अहिले पनि पार्टीको मार्गदर्शक सिद्धान्तका रुपमा अघि बढाउँदै आएको छ ।