केपी ओलीको पत्र : पार्टीलाई यतिबेला तपाइँको न्यानो माया र साथ–सहयोगको खाँचो छ (पत्रसहित)

काठमाण्डौं, २४ वैशाख । नेकपा (एमाले) का अध्यक्ष केपी ओलीले सम्पूर्ण नेपालीहरुलाई एक पत्र लेख्दै आफ्नो महान उद्देश्य पूरा गर्न पार्टीलाई यतिबेला तपाईको न्यानो माया र साथ–सहयोगको खाँचो रहेको उल्लेख गर्नुभएको छ । नेपालका तमाम समस्याहरु किनारा नेपाली जनताको साथ र सहयोग बिना सम्भव नभएको उहाँले पत्रमा उल्लेख गर्नुभएको हो ।

पत्रमा भनिएको छ :

आदरणीय दिदीबहिनी तथा दाजुभाईहरु
हार्दिक अभिवादन ।
समृद्ध नेपाल सुखी नेपालीको राष्ट्रिय आकांक्षा पूरा गर्न हाम्रो पार्टी नेकपा (एमाले) ले तीन वटै तहमा स्पष्ट बहुमतको सरकार बनाउन आवश्यक छ । यसको प्रारम्भ यही २०७९ वैशाख ३० गते सम्पन्न हुने स्थानीय तहको निर्वाचनबाटै गर्नुपर्ने हुन्छ । नेपालका तमाम समस्याहरु किनारा लगाउन तपाईको साथ र सहयोगबिना सम्भव छैन । आफ्नो महान उद्देश्य पूरा गर्न पार्टीलाई यतिबेला तपाइँको न्यानो माया र साथ–सहयोगको खाँचो छ । यसैले सूर्य चिन्हमा मतदान गरी नेकपा एमालेका उम्मेदवारहरुलाई विजयी गराउन हार्दिक अपिल गर्दछु ।

केपी शर्मा ओली
अध्यक्ष
नेकपा (एमाले)