प्रचण्डको धम्की : भरतपुरमा गठबन्धन अस्वीकार गरे देश दुर्घटनामा जान्छ
न्युजभित्तो/२२ बैशाख २०७९, बिहीबार १७:५२
भरतपुर, २२ वैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुरमा पाँच दलीय गठबन्धनलाई अस्वीकार गरे देश दुर्घटनामा जाने बताउनु भएको छ । पाँच दलीय गठबन्धनले आज यहाँ आयोजना गरेको सभालाई सम्बोधन गर्दै उहाँले आशंकाले हेरेर गठबन्धन कमजोर बनाउने खोजे देश दुर्घटनामा जाने बताउनु भएको हो ।
उहाँले भन्नुभयो “म अब दायाँबायाँ गर्दिन “गठबन्धन कमजोर पार्न खोज्नुभयो भने म त अब दायाँ बायाँ गर्दिन, देश दुर्घटनामा पर्ने खतरा छ, त्यसको जवाफ अहिले गठबन्धको विरोधमा जानेहरुले दिनुपर्छ ।”
तर रेनु दाहाल र चित्रसेन अधिकारीको टिमलाई अनुमोदन गरे १०÷२० वर्ष गठबन्धनलाई कायम राख्ने उहाँको प्रतिवद्धता थियो । उहाँले बि.सं. २०४६ सालदेखि कम्युनिष्ट र कांग्रेसबीच सहकार्य हुँदै आएको स्मरण गराउनुभयो ।
कांग्रेसका असन्तुष्ट पक्षलाई सम्बोधन गर्दै उहाँले भन्नुभयो “तपाईहरुले अहिले पनि यो गठबन्धन राष्ट्रको आवश्यकता हो, गणतन्त्र र लोकतन्त्रको आवश्यकता हो, देशको विकास र समृद्धिको आवश्यक हो भन्ने नबुझेर हालिँदैन हसिया हथौडामा भोट भन्नुभयो भने देश दुर्घटनामा जान सक्छ ।” उहाँले गठबन्धन यो राष्ट्रको आवश्यकता रहेको भन्दै भन्नुभयो “यो जनताको आवश्यकता हो, विकास र समृद्धिको आवश्यकता हो भनेर चितवनबासी जनताले उत्साहपूर्ण ढंगले भोट हालेर यो टिमलाई विजयी गराउनुभयो भने म उत्साहित हुनेछु र यो गठबन्धनलाई १०–१५–२० वर्ष लैजाने मेरो प्रतिवद्धता हुनेछ ।”
गठबन्धनलाई निरन्तरता दिनुपर्ने जिल्लाका कांग्रेसका नेताहरुको भनाईको जवाफ दिंदै उहाँले यस अघिको निर्वाचनमा सोचे अनुरुपको परिणाम नआएपछि गठबन्धन नयाँ ढंगले अघि बढेको प्रष्ट्याउनुभयो । गठबन्धन कम्युनिष्ट पार्टीहरुसँग गर्दै गर्दा नेपाली कांग्रेसका सभापति शेरबहादुर देउवासँग प्रष्ट कुरा भएको उहाँको भनाई थियो ।
भरतपुर, २२ वैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुरमा पाँच दलीय गठबन्धनलाई अस्वीकार गरे देश दुर्घटनामा जाने बताउनु भएको छ । पाँच दलीय गठबन्धनले आज यहाँ आयोजना गरेको सभालाई सम्बोधन गर्दै उहाँले आशंकाले हेरेर गठबन्धन कमजोर बनाउने खोजे देश दुर्घटनामा जाने बताउनु भएको हो ।
उहाँले भन्नुभयो “म अब दायाँबायाँ गर्दिन “गठबन्धन कमजोर पार्न खोज्नुभयो भने म त अब दायाँ बायाँ गर्दिन, देश दुर्घटनामा पर्ने खतरा छ, त्यसको जवाफ अहिले गठबन्धको विरोधमा जानेहरुले दिनुपर्छ ।”
तर रेनु दाहाल र चित्रसेन अधिकारीको टिमलाई अनुमोदन गरे १०÷२० वर्ष गठबन्धनलाई कायम राख्ने उहाँको प्रतिवद्धता थियो । उहाँले बि.सं. २०४६ सालदेखि कम्युनिष्ट र कांग्रेसबीच सहकार्य हुँदै आएको स्मरण गराउनुभयो ।
कांग्रेसका असन्तुष्ट पक्षलाई सम्बोधन गर्दै उहाँले भन्नुभयो “तपाईहरुले अहिले पनि यो गठबन्धन राष्ट्रको आवश्यकता हो, गणतन्त्र र लोकतन्त्रको आवश्यकता हो, देशको विकास र समृद्धिको आवश्यक हो भन्ने नबुझेर हालिँदैन हसिया हथौडामा भोट भन्नुभयो भने देश दुर्घटनामा जान सक्छ ।” उहाँले गठबन्धन यो राष्ट्रको आवश्यकता रहेको भन्दै भन्नुभयो “यो जनताको आवश्यकता हो, विकास र समृद्धिको आवश्यकता हो भनेर चितवनबासी जनताले उत्साहपूर्ण ढंगले भोट हालेर यो टिमलाई विजयी गराउनुभयो भने म उत्साहित हुनेछु र यो गठबन्धनलाई १०–१५–२० वर्ष लैजाने मेरो प्रतिवद्धता हुनेछ ।”
गठबन्धनलाई निरन्तरता दिनुपर्ने जिल्लाका कांग्रेसका नेताहरुको भनाईको जवाफ दिंदै उहाँले यस अघिको निर्वाचनमा सोचे अनुरुपको परिणाम नआएपछि गठबन्धन नयाँ ढंगले अघि बढेको प्रष्ट्याउनुभयो । गठबन्धन कम्युनिष्ट पार्टीहरुसँग गर्दै गर्दा नेपाली कांग्रेसका सभापति शेरबहादुर देउवासँग प्रष्ट कुरा भएको उहाँको भनाई थियो ।