भरतपुर महानगरको प्रमुखमा एमालेका सुवेदीको मनोनयन, भरतपुरको विकासमा साथ दिन आव्हान

भरतपुर, १२ वैशाख । भरतपुर महानगरपालिकाको प्रमुख पदमा नेकपा (एमाले) का तर्फबाट विजय सुवेदीले मनोनयन दर्ता गर्नुभएको छ । मुख्य निर्वाचन अधिकृतको कार्यालय भरतपुरमा उहाँले मनोयन दर्ता गराउनु भएको हो ।

भरतपुरस्थित पार्टी कार्यालयमा नेता कार्यकर्ता सहित भेला भएर -याली सहित सुवेदी निर्वाचन कार्यालय आउनु भएको थियो । सुवेदीको प्रस्तावकमा नेकपा एमाले पोलिटब्यूरो सदस्य देवी ज्ञवाली र समर्थकमा एमाले नेता कृष्णभक्त पोखरेल रहनु भएको छ । भरतपुर महानगरपालिकाका मेयर पद्का उमेद्वार विजय सुवेदीले भरतपुरको समृद्धिका लागि भरतपुरबासीले आफुँलाई भोट दिनुपर्ने बताएका छन् ।

उम्मेदवार दिएपछि सुवेदीले चितवनले राजनीतिक क्रान्तिको नेतृत्व गरेको भन्दै अब आर्थिक क्रान्तिको नेतृत्व गर्ने बताउनुभयो । उहाँले चितवनलाई देशकै आर्थिक राजधानी बनाउने प्रतिवद्धता व्यक्त गर्नुभयो ।

भरतपुर महानगरको विकाससँगै समग्र चितवनका जनताको जीवनस्तरमा परिवर्तन ल्याउन सम्पूर्ण भरतपुरबासीको साथको आवश्यकता रहेको भन्दै उहाँले भरतपुरको विकासमा साथ दिन आव्हान गर्नुभयो ।