भरतपुरमा एमालेका तर्फबाट मेयर उम्मेदवार सुवेदीद्वारा वीपीको सालिकमा माल्यार्पण

चितवन, १२ वैशाख । नेकपा एमालेबाट भरतपुर महानगरपालिकाको प्रमुखको उम्मेदवार विजय सुवेदीले मदन–आश्रित र वीपी कोइरालाको सालिकमा माल्यार्पण गर्नुभएको छ । आज उम्मेदवार दर्ता गराउनुअघि सुवेदीले एमालेको भरतपुरस्थित पार्टी कार्यालयमा रहेको मदन भण्डारी, जीवराज आश्रितको सालिक र वीपी कोइराला मेमोरियल क्यान्सर अस्पतालमा रहेको वीपी कोइरालाको सालिकमा माल्यार्पण गर्नुभएको हो ।

उहाँले पार्टी कार्यालयमै २०६२÷६३ को जनआन्दोलनमा चितवनमा सहिद भएकी तुलसी क्षेत्रीका छोरालाई सम्मान गर्दै आशिर्वाद लिनु भएको छ । भरतपुर महानगरको प्रमुखमा कांग्रेसले माओवादी उम्मेदवार रेनु दाहाललाई समर्थन गरेको छ । कांग्रेसका संस्थापक नेता कोइरालाको सालिकमा माल्यार्पण गरेर सुवेदीले कांग्रेसका मतदाताको ध्यान खिच्नु भएको छ । उहाँले भरतपुरमा काँग्रेसको मतदातालाई आकर्षित गर्न घरदैलो अभियानलाई पनि तीब्रता दिनुभएको छ ।