भरतपुर, २९ चैत । नेपाली कांग्रेसको भरतपुर महानगरपालिकाका वडा सभापतिहरुले महानगरपालिकाको कुनै पनि पदमा गठबन्धन नगर्ने निर्णय गरेका छन् । उनीहरुले तालमेल भएमा विद्रोह गर्ने चेतावनी दिएका हुन् ।
जिल्ला पार्टी कार्यालय २९ वडासभापतिको बैठकले महानगरपालिकाको मेयर, उपमेयर, वडाअध्यक्ष र वडासदस्य सबै पदमा पार्टीकै उम्मेदवार हुनुपर्ने निर्णय गरेको छ । यदि कुनै पदमा तालमेल गरी अरु दललाई दिएमा स्वतन्त्र उम्मेदवारी दिने चेतावनी पनि उनीहरुले दिएका छन् ।
निर्णयमा भनिएको छ “नेपाली कांग्रेसको केन्द्र, जिल्ला तथा महानगरले गठबन्धन गर्ने निर्णय गरे पनि हामी वडा सभापतिहरु कुनै पनि गठबन्धन नगर्ने निर्णय गर्दछौं ।” गठबन्धनका उम्मेदवारलाई बहिरकार गर्ने अर्काे निर्णयमा भनिएको छ “मेयर, उपमयेरसहित सबै वडाहरुमा नेपाली कांग्रेसको अध्यक्षसहित ५ जनानै उम्मेदवार उठाउने निर्णय गर्नुका साथै गठबन्धनका सबै उम्मेदवारलाई बहिस्कार गर्ने निर्णय गरियो ।”
उनीहरुले उक्त निर्णय जिल्ला सभापति राजेश्वर खनाललाई बुझाएका छन् । वडा नं १५ का वडा सभापति ज्योतिप्रसाद कँडेलको अध्यक्षतामा बसेको वडा सभापतिहरुले बैठकले मेयर, उपमेयर, वडा अध्यक्षसहितका सबै सदस्यमा कांग्रेसको उम्मेदवार हुनुपर्ने निर्णय गरेको हो । त्यसो नभई अरु दललाई दिइएका पदमा कांग्रेसका तर्फबाट स्वतन्त्र उम्मेदवार उठाइने निर्णय बैठकले गरेको वडा सभापति ज्योति कँडेलले बताउनुभयो ।
कांग्रेसका जिल्ला सभापति राजेश्वर खनालले वडा सभापतिहरुले बैठकको निर्णय आफूलाई बुझाएको बताउनुभयो । उहाँहरुले कुनै पनि हालतमा कांग्रेसको समर्थनमा अर्को पार्टीको मेयर बन्न हुन्न भन्ने निर्णय गर्नुभएको बताउँदै सभापति खनालले भन्नुभयो “उहाँहरुको भावनाको प्रतिनिधित्व पार्टीले पनि गर्दै आएको छ ।”
भरतपुर, २९ चैत । नेपाली कांग्रेसको भरतपुर महानगरपालिकाका वडा सभापतिहरुले महानगरपालिकाको कुनै पनि पदमा गठबन्धन नगर्ने निर्णय गरेका छन् । उनीहरुले तालमेल भएमा विद्रोह गर्ने चेतावनी दिएका हुन् ।
जिल्ला पार्टी कार्यालय २९ वडासभापतिको बैठकले महानगरपालिकाको मेयर, उपमेयर, वडाअध्यक्ष र वडासदस्य सबै पदमा पार्टीकै उम्मेदवार हुनुपर्ने निर्णय गरेको छ । यदि कुनै पदमा तालमेल गरी अरु दललाई दिएमा स्वतन्त्र उम्मेदवारी दिने चेतावनी पनि उनीहरुले दिएका छन् ।
निर्णयमा भनिएको छ “नेपाली कांग्रेसको केन्द्र, जिल्ला तथा महानगरले गठबन्धन गर्ने निर्णय गरे पनि हामी वडा सभापतिहरु कुनै पनि गठबन्धन नगर्ने निर्णय गर्दछौं ।” गठबन्धनका उम्मेदवारलाई बहिरकार गर्ने अर्काे निर्णयमा भनिएको छ “मेयर, उपमयेरसहित सबै वडाहरुमा नेपाली कांग्रेसको अध्यक्षसहित ५ जनानै उम्मेदवार उठाउने निर्णय गर्नुका साथै गठबन्धनका सबै उम्मेदवारलाई बहिस्कार गर्ने निर्णय गरियो ।”
उनीहरुले उक्त निर्णय जिल्ला सभापति राजेश्वर खनाललाई बुझाएका छन् । वडा नं १५ का वडा सभापति ज्योतिप्रसाद कँडेलको अध्यक्षतामा बसेको वडा सभापतिहरुले बैठकले मेयर, उपमेयर, वडा अध्यक्षसहितका सबै सदस्यमा कांग्रेसको उम्मेदवार हुनुपर्ने निर्णय गरेको हो । त्यसो नभई अरु दललाई दिइएका पदमा कांग्रेसका तर्फबाट स्वतन्त्र उम्मेदवार उठाइने निर्णय बैठकले गरेको वडा सभापति ज्योति कँडेलले बताउनुभयो ।
कांग्रेसका जिल्ला सभापति राजेश्वर खनालले वडा सभापतिहरुले बैठकको निर्णय आफूलाई बुझाएको बताउनुभयो । उहाँहरुले कुनै पनि हालतमा कांग्रेसको समर्थनमा अर्को पार्टीको मेयर बन्न हुन्न भन्ने निर्णय गर्नुभएको बताउँदै सभापति खनालले भन्नुभयो “उहाँहरुको भावनाको प्रतिनिधित्व पार्टीले पनि गर्दै आएको छ ।”