महानगरको उपप्रमुखमा न्यौपानेको चर्चा

चितवनः यही बैशाख ३० गते हुने लागेको स्थानिय तहको निर्वाचनमा चर्चाको शिखरमा रहेको भरतपुर महानगरपालिकाको उपप्रमुखमा काँग्रेसका तर्फबाट बुद्धिकान्त न्यौपानेको चर्चा हुन थालेको छ । काँग्रेस महानगरका उपसभापति समेत रहनु भएका न्यौपाने युवा पुस्तामा मात्रै नभएर बृद्धबृद्धामा समेत घुलमिल हुन सक्ने भएकाले चर्चा हुन थालेको हो ।
महानगर प्रमुखको टिकट कस्लाई दिने भन्ने बिषयमा केन्द्रिय राजनिति तातिरहेको समयमा उपप्रमुखमा भने न्यौपानेको चार्चा हुन लागेको हो । प्रजातन्त्र प्राप्तीको आन्दोलनमा अहम भूमिका निर्वाह गरेको न्यौपाने परिवारबाट महानगरको उपप्रमुखमा दावि हुनुलाई आम मतदाताले महत्वका साथ समेत लिदैं आउका छन् । काँग्रेसले गरेका हरेक आन्दोलनमा अग्र पंङ्तिमा रहेर काम गर्दै आउनु भएका न्यौपानेको परिवार प्रजातन्त्र सेनानि समेत रहेको छ ।
काँग्रेसको नेतृत्वमा भएको २०६२–६३ को जनआन्दोलनमा सक्रिय भूमिका निर्वाह गर्नु भएका न्यौपाने आन्दोलनका क्रममा घाइते समेत हुनु भएको थियो । युवा पुस्तामा मिलनसार समाजसेवि न्यौपानेलाई स्थानीय निर्वाचनमा उपप्रमुखको उम्मेदवार भएको देख्न चाहेको काँग्रेसका नेता कार्यकर्ताहरुले वताएका छन् । काँग्रेस भित्र पनि सबैले रुचाएका न्यौपाने लाई उपप्रमुख बनाउन युवा पुस्ता मात्रै नभएर वृद्धवृद्धाको समेत सक्रियता वढेको छ ।