कोरोना सक्रमण दुई अंकमा सीमित, मृत्यु शुन्य

काठमाडौं,१ चैत्र । नेपालमा केहि दिन यता कोरोना संक्रमण दुई अंकमा सीमित रहेको छ। मंगलबार थप ८३ जनामा संक्रमण पुष्टि भएको छ।

स्वास्थय तथा जनसंख्या मन्त्रालयका अनुसार ७,८८४ जनामा परीक्षण गर्दा ८३ जनामा संक्रमण भएको छ। मन्त्रालयका अनुसार पछिल्लो २४ घण्टामा १३० जना संक्रमणमुक्त भएका छन्।

शुन्य मृत्यु

पछिल्लो २४ घण्टामा शुन्य मृत्यु रहेको छ। नेपालमा लगातार चार दिनदेखि कोरोना संक्रमणबाट मृत्यु हुनेको संख्या शून्य छ। कोरोना संक्रमणदर दैनिक घटिरहँदा मृत्यु हुनेको संख्या पनि घटेको हो। 

शनिबार, आइतबार र सोमबार र मंगलबार कोरोनाबाट शून्य मृत्यु भएको स्वास्थ्य तथा जनसंख्या मन्त्रालयले जनाएको छ। नेपालमा हालसम्म कोरोनाबाट ११ हजार ९५० जना संक्रमितको मृत्यु भइसकेको छ। 

यसअघि शुक्रबार एक जनाको मृत्यु भएको थियो भने बिहीबार र बुधबार मृत्यु संख्या शून्य थियो। नेपालमा हाल कोरोना संक्रमणदर एक दशमलव सात प्रतिशत छ। पाँच प्रतिशतभन्दा कम भएको अवस्थालाई  कोरोना संक्रमण सामान्य मान्न सकिने मन्त्रालयले जनाएको छ।