भत्किएको संसद, बिग्रिएको न्यायालय, भाँडिएको निर्वाचन प्रणालीले प्रजातन्त्रलाई दिशाहीन बनायो : पूर्व राजा ज्ञानेन्द्र

काठमाण्डौं, ७ फागुन । पूर्व राजा ज्ञानेन्द्र शाहले अलमलिएको सरकार, भत्किएको संसद, बिग्रिएको न्यायालय, भाँडिएको निर्वाचन प्रणाली र विभाजित समाजको चक्रव्युहले प्रजातन्त्रलाई दिशाहीन बनाएको टिप्पणी गर्नुभएको छ । ७२ औं राष्ट्रिय प्रजातन्त्र दिवसको अवसरमा शुक्रबार जारी गरेको शुभकामना सन्देशमा जनताले अपेक्षा गरेको, रोजे खोजेको सही शासन पद्धति र विधि विधानमा लाग्न सबैको ध्यान जाओस् भनिएको छ ।

पूर्व राजाले भन्नुभएको छ “आफ्नो देशको प्रकृति र परवेशबाट पृथक भएर बाहिरी लोभ, प्रलोभनमा पर्नु प्रजातन्त्र होइन । प्रजातन्त्र नियन्त्रित र निर्देशित हुँदैन । यो स्वतः स्फूर्त एवं लोकसम्म हुन्छ र हुनुपर्छ ।”

(हेर्नुहोस् शुभकामना सन्देश)