एमाले संसदीय दलको बैठक बस्दै, केही न्यायाधीश र सभामुखविरुद्ध महाअभियोग प्रस्ताव ल्याउन सक्ने

काठमाडौं, २ फागुन । प्रधानन्यायाधीश चोलेन्द्र शमशेर राणाविरुद्ध संसदमा दर्ता भएको महाअभियोग प्रस्तावबारे निर्णय लिन प्रमुख प्रतिपक्ष दल नेकपा (एमाले) संसदीय दलको बैठक बस्दै छ । बैठक आज बिहान ११ बजे नयाँ बानेश्वरस्थित संसद् भवनको ल्होत्से हलमा बस्ने बताइएको छ ।

बैठकमा विकसित पछिल्लो राजनीतिक घटनाक्रमबारे छलफल हुने एमालेले जनाएको छ । एमालेले महाअभियोग प्रस्तावको संसदीय प्रक्रियाबाट प्रतिवाद गर्ने जनाएको छ । सत्तागठबन्धनले प्रधानन्यायाधीशविरुद्ध ल्याएको प्रस्तावको काउन्टरमा एमालेले अरु केही न्यायाधीश र सभामुखविरुद्ध महाअभियोग प्रस्ताव ल्याउने सम्भावना छ ।