राप्रपाको सह-महामन्त्रीमा चितवनकी सांसद रीना गुरुङ मनोनित

काठमाण्डौं । राष्ट्रिय प्रजातन्त्र पार्टी (राप्रपा) को सह–महामन्त्रीमा चितवनकी सांसद रीना गुरुङ मनोनित हुनु भएको छ । अध्यक्ष राजेन्द्र लिङ्देनले गुरुङसहित २४ जनालाई पदाधिकारीमा मनोनित गर्नुभएको हो । गुरुङ राप्रपाको महाधिवेशनबाट केन्द्रीय सदस्यमा निर्वाचित हुनु भएको थियो ।

लिङ्देनले उपाध्यक्ष, महामन्त्री, प्रवक्ता, सहायक प्रवक्ता, सहमहामन्त्री, सहायक महामन्त्री गरि २४ जनालाई मनोनित गरेका हुन् । जसअनुसार उपाध्यक्षमा हेमजंग गुरुङ र मुकुन्दश्याम गिरी मनोनित भएका छन् भने महामन्त्रीमा राजेन्द्र गुरुङ र प्रह्लाद प्रसाद साह मनोनित हुनु भएको छ ।

यस्तै प्रवक्तामा भक्ति प्रसाद सिटौला, मोहन श्रेष्ठ, सगुनसुन्दर लावती र गोपाल दाहाल मनोनित हुँदा सहायक प्रवक्तामा प्रविन कुमार थोकर तामाङ, दिनेश कुमार साह, पूर्ण बहादुर चन्द मनोनित हुनु भएको छ । सह महामन्त्रीमा मोहन प्रसाद यादव, धनबहादुर बुढा, श्यामबहादुर शाही, प्रकाश रिमाल, रवीन्द्रप्रताप शाह, झनक प्याकुरेल र रीना गुरुङ मनोनित हुँदा सहायक महामन्त्रीमा रमानन्द न्यौपाने, विजय खड्का, प्रेम बलायर, ऋषिराज देवकोटा, ताहिर अलि र दिपक कुमार राइ मनोनित हुनु भएको छ ।