आज बढ्यो सुनको मूल्य, तोलाको कति ?

काठमाडौं, ११ माघ । मंगलबार नेपाली बजारमा सुनको मूल्य बृद्धि भएको छ । चाँदीको मूल्यमा भने आज गिरावट आएको छ ।

सोमबार प्रतितोला ९३ हजार ५०० मा कारोबार भएको छापावाल सुनको मूल्य आज प्रतितोला ५०० रुपैंयाले बृद्धी भई ९४ हजार रुपैयाँ कायम भएको छ ।

नेपाल सुनचाँदी व्यवसायी महासंघको अनुसार आज तेजावी सुनको मूल्य प्रतितोला ९३ हजार ५०० रुपैंयामा कारोबार भइरहेको छ ।

यसैगरी, मंगलबार चाँदीको मूल्य भने घटेको छ । आज तोलामा १५ रुपैंयाले घटेर प्रतितोला १३ सय रुपैंयामा कारोबार भइरहेको महासंघले जनाएको छ ।